ලොව දියුණු ආර්ථිකයන් සහිත රටවල 2030 වසර වන විට ඉදිවන නව ගබඩා සංකීර්ණවලින් (Warehouses) සියයට 50ක්ම රොබෝ තාක්ෂණය කේන්ද්ර කරගනිමින් නිර්මාණය වනු ඇති බව ගාර්ට්නර් (Gartner) පර්යේෂණ ආයතනය පුරෝකථනය කරයි.
ශ්රම පිරිවැය ඉහළ යාම, ශ්රමික හිඟය සහ පුනරාවර්තී කාර්යයන්ගෙන් මිනිස් ශ්රමිකයන් ඉවත් වීමට උත්සාහ කිරීම මෙම රොබෝ කේන්ද්රීය ගබඩා සංකීර්ණ බිහිවීමට ප්රධාන හේතු වේ. කෘතිම බුද්ධිය (AI) මගින් මෙම ගබඩාවල ක්රියාකාරීත්වය තත්කාලීනව (Real-time) පාලනය කෙරෙන අතර, මිනිස් ශ්රමිකයන්ගේ කාර්යක්ෂමතාවයට වඩා රොබෝ බලකායකගේ මෙහෙයුම් කාර්යක්ෂමතාවය පදනම් කරගනිමින් අනාගත ගබඩා නිර්මාණය වනු ඇත.
මෙහිදී මිනිස් ශ්රමිකයන්ගේ භූමිකාව ද වෙනස් වීමට නියමිතය. රොබෝවරුන් විසින් සිදුකරන එදිනෙදා සාමාන්ය වැඩ කටයුතුවලදී පැන නගින විශේෂිත ගැටලු විසඳීම සහ පද්ධති අධීක්ෂණය කිරීම සඳහා පමණක් මිනිස් ශ්රමය යොදා ගැනෙනු ඇත. “Digital Twin” තාක්ෂණය මගින් ගබඩාවල මෙහෙයුම් කටයුතු සැලසුම් කිරීමේ සිට පාලනය කිරීම දක්වා සියල්ල සිදු කෙරේ. මෙවැනි ස්වයංක්රීය පද්ධතිවල සාර්ථකත්වය සඳහා දත්තවල නිරවද්යතාවය සහ ස්ථාවර අන්තර්ජාල සබඳතාවය අත්යවශ්ය සාධක වනු ඇති බව විශේෂඥයෝ පෙන්වා දෙති.
