වසර දෙකක් පුරා පැවති යුදමය වාතාවරණය හේතුවෙන් ගාසා තීරයේ පුද්ගලයන් 5,000කට ආසන්න පිරිසක් අත්පා අහිමි වූ ආබාධිතයන් බවට පත්ව ඇති අතර ඉන් හතරෙන් එකක්ම කුඩා දරුවන් බව රොයිටර් පුවත් සේවය වාර්තා කරයි. එහෙත් ඊශ්රායලය විසින් පනවා ඇති ආරක්ෂක සීමා කිරීම් හේතුවෙන් කෘතිම අත්පා නිෂ්පාදනයට අවශ්ය ද්රව්ය ගාසා තීරයට රැගෙන යාමට නොහැකි වීමෙන් මෙම පිරිස දැඩි අසරණභාවයට පත්ව සිටිති.
කෘතිම අත්පා සකස් කිරීමට අවශ්ය ‘ප්ලාස්ටර් ඔෆ් පැරිස්’ (Plaster of Paris) වැනි අමුද්රව්ය ගාසා තීරයට රැගෙන ඒම ඊශ්රායලය විසින් සීමා කර ඇති අතර ඒ හේතුවෙන් බොහෝ වෛද්ය මධ්යස්ථාන ප්ලාස්ටික් බට, ලී ලෑලි හෝ යුද්ධයෙන් මියගිය පුද්ගලයන්ගේ සිරුරුවල තිබූ පැරණි කෘතිම අත්පා නැවත භාවිත කිරීමට උත්සාහ කරමින් සිටින බව වෛද්යවරු පවසති.
පලස්තීන සෞඛ්ය නිලධාරීන්ගේ දත්තවලට අනුව ගාසා තීරයේ ඒක පුද්ගල අත්පා අහිමි වූවන්ගේ අනුපාතය, බිම්බෝම්බ හේතුවෙන් ලොව දරුණුතම බලපෑමට ලක්ව තිබූ කාම්බෝජය පවා අභිබවා ගොස් ඇති බව ‘Humanity & Inclusion’ සහන කණ්ඩායම පෙන්වා දෙයි
පාපන්දු ක්රීඩාවට දැඩි ලැදිකමක් දැක්වූ 14 හැවිරිදි ෆාදෙල් අල්-නාජි වැනි දරුවන් දහස් ගණනක් ඩ්රෝන ප්රහාර හමුවේ සිය අත්පා අහිමි වී නිවෙස්වලටම කොටු වී සිටින අතර ඔවුන්ට අවශ්ය වෛද්ය ප්රතිකාර සහ කෘතිම උපකරණ නොලැබීම නිසා ඔවුන් මානසිකව ද බිඳ වැටී ඇති බව වාර්තා වේ.
