එක්සත් අරාබි එමීර් රාජ්යය (UAE) ඉලක්ක කර ගනිමින් එල්ල වූ ප්රහාර සම්බන්ධයෙන් ඉරාන හමුදාව නිල ප්රකාශ තුනක් නිකුත් කර ඇති අතර, එහිදී ඔවුන් එම චෝදනා ප්රතික්ෂේප කරමින් දැඩි අනතුරු ඇඟවීම් සිදු කර තිබේ.
එක්සත් අරාබි එමීර් රාජ්යයට එරෙහිව කිසිදු මිසයිල හෝ ඩ්රෝන මෙහෙයුමක් සිදු නොකළ බව ඉරානය අවධාරණය කරයි. එමීර් රාජ්යයේ ආරක්ෂක අමාත්යාංශය නිකුත් කළ වාර්තාව ද්වේෂසහගත බව පවසමින් ඔවුන් එය සම්පූර්ණයෙන්ම ප්රතික්ෂේප කර තිබේ.
එක්සත් අරාබි එමීර් රාජ්යය වර්තමානය වන විට ඇමරිකානු සහ සයොන්වාදී (ඊශ්රායල) ප්රධාන හමුදා කඳවුරක් බවට පත්ව ඇති බවට ඉරානය චෝදනා කරයි. එම රට ඇමරිකානුවන්ගේ සහ සයොන්වාදීන්ගේ “කූඩුවක්” බවට පත්ව ඇති බව ඉරාන හමුදාව සිය ප්රකාශය මඟින් පෙන්වා දී ඇත.
එක්සත් අරාබි එමීර් රාජ්යයේ භූමිය භාවිතා කරමින් ඉරානයට අයත් දූපත්, වරායන් හෝ වෙරළ තීරයන් ඉලක්ක කර ගනිමින් කිසිදු ප්රහාරයක් දියත් වුවහොත්, ඊට “සහමුලින්ම විනාශකාරී සහ පසුතැවීමට ලක්වන සුළු” ප්රතිචාරයක් ලබා දෙන බව ඉරානය අනතුරු අඟවයි.
මෙම ප්රකාශයන් හරහා ඉරානය වත්මන් ප්රහාරවල වගකීම ප්රතික්ෂේප කළද, එමීර් රාජ්යය තුළ ඇමරිකානු සහ ඊශ්රායල හමුදා රැඳී සිටීම සම්බන්ධයෙන් සිය දැඩි විරෝධය සහ ඉදිරියේදී එල්ල විය හැකි ප්රහාර පිළිබඳ ඉඟියක් ද පළ කර තිබේ.
