ජර්මනියේ බර්ලින් නුවර පැවැති වාර්ෂික ‘Christopher Street Day Pride’ සැණකෙළිය ආසන්නයේදී ජනතාව අතරට මෝටර් රථයක් පදවාගෙන යාමෙන් සිදුවූ මාරාන්තික අනතුරින් පසුව, එරට ආරක්ෂක නීති හා ක්රියාපටිපාටිය වහාම සංශෝධනය කිරීමට ජර්මන් ස්වදේශ කටයුතු අමාත්යාංශය පියවර ගෙන තිබේ.
අපරාධ චෝදනාවලට වැරදිකරුවෙකු වූ 21 හැවිරිදි අබ්දුල් බලුට් (Abdul Ballout) නමැති සැකකරු සිරගත කර නොසිට නිදහසේ සිටීම සම්බන්ධයෙන් රට තුළ දැඩි මතභේදාත්මක තත්ත්වයක් නිර්මාණය වී ඇත. සැකකරු පසුව පොලිස් වෙඩි පහරින් මියගිය අතර, මෙම ප්රහාරයෙන් පෝලන්ත ජාතික කාන්තාවක ජීවිතක්ෂයට පත්වූවාය.
සිද්ධියත් සමඟම බාලවයස්කාර නීති වැඩිහිටි අපරාධකරුවන්ට යෙදවීම තහනම් කිරීමටත්, අවදානම් සහිත පුද්ගලයන් අධීක්ෂණය සඳහා පාදවල පලඳවන ‘Ankle Bracelets’ භාවිත කිරීමටත්, පූර්ව ආරක්ෂිතව අත්අඩංගුවට ගැනීමේ බලතල ආරක්ෂක අංශ වෙත ලබාදීමටත් ජර්මන් රජය තීරණය කර ඇත.
තොරතුරු උපුටා ගැනීම: Reuters ඇසුරින්
