ගිනිගත්හේන දියගල හරහා නෝටන්බ්රිජ් මාර්ගය කාපට් අතුරා ප්රතිසංස්කරණය කිරීමේ කටයුතු නුවරඑළිය දිස්ත්රික් සංවර්ධන කමිටුවේ සභාපති සහ නුවරඑළිය දිස්ත්රික් පාර්ලිමේන්තු මන්ත්රී මංජුල සුරවීරආරච්චි මහතාගේ ප්රධානත්වයෙන් (19) දින ආරම්භ කෙරිණි.ප්රවාහන, මහාමාර්ග සහ නාගරික සංවර්ධන අමාත්යාංශයේ මාර්ග සංවර්ධන අධිකාරිය මඟින් රුපියල් මිලියන 627ක ප්රතිපාදන යටතේ මෙම මාර්ගයේ දියගල අට්ලිස් සිට නෝටන්බ්රිජ් නගරය දක්වා කිලෝමීටර් 5ක දුර ප්රමාණයක් කාපට් අතුරා ප්රතිසංස්කරණය කෙරේ. ශ්රී පාදස්ථානයට පිවිසීමට ඇති කෙටිම මාර්ගය වන මෙය, මාර්ග සංවර්ධන අධිකාරිය විසින් ක්රියාත්මක කරනු ලබයි.මෙහිදී අදහස් දැක්වූ පාර්ලිමේන්තු මන්ත්රී මංජුල සුරවීරආරච්චි මහතා සඳහන් කළේ මධ්යම පළාත තුළ මාර්ග සංවර්ධන කටයුතු සඳහා රුපියල් බිලියන 96ක ප්රතිපාදන වෙන් කර ඇති බවත්, ඒ යටතේ නුවරඑළිය දිස්ත්රික්කයේ කිලෝමීටර් 97ක් කාපට් අතුරා සංවර්ධනය කිරීමේ කටයුතු දැනටමත් ආරම්භ කර ඇති බවත්ය. මෙම සංවර්ධන කටයුතුවලදී ඇමරිකාව සහ ඉරානය අතර ඇති වී ඇති යුද්ධය සහ ස්වභාවධර්මයේ අභියෝග පැන නැඟී ඇති බවද ඒ මහතා පෙන්වා දුන්නේය. මෙම අවස්ථාවට නුවරඑළිය දිස්ත්රික් මාර්ග සංවර්ධන අධිකාරියේ ප්රධාන ඉංජිනේරු සම්පත් සමරනායක මහතා ඇතුළු පිරිසක් එක්ව සිටියහ.
