කෘත්රිම බුද්ධි තාක්ෂණය හා සම්බන්ධ කොටස්වල වටිනාකම ඉහළ යාමත් සමඟ ගෝලීය ආයෝජකයින් නැවත වරක් කොටස් අරමුදල් වෙත යොමු වීමට පටන් ගෙන තිබේ. පසුගිය සතියේ මෙම අරමුදල්වලින් විශාල වශයෙන් මුදල් පිටතට ගලා ගියද, මැයි 27 වැනිදායින් අවසන් වූ සතිය තුළ ආයෝජකයින් ඇමෙරිකානු ඩොලර් මිලියන 457.57ක ශුද්ධ ආයෝජනයක් ගෝලීය කොටස් අරමුදල් වෙත සිදු කර ඇත. කෙසේ වෙතත්, අමෙරිකාව සහ ඉරානය අතර පවතින සාම සාකච්ඡා සම්බන්ධයෙන් පවතින අවිනිශ්චිතතාවය හේතුවෙන් ආයෝජකයින් වඩාත් ප්රවේශම් සහගතව කටයුතු කරන බවක් ද දැකගත හැකි වේ. පවතින දත්තවලට අනුව පෙර සතියේදී ඇමෙරිකානු ඩොලර් බිලියන 6.56ක මුදලක් කොටස් අරමුදල්වලින් පිටතට ගලා ගොස් තිබුණ ද, මේ වන විට තාක්ෂණික අංශයේ සිදු වූ ප්රබෝධයත් සමඟ ආයෝජක විශ්වාසය යළිත් වර්ධනය වෙමින් පවතී.
