ඇමරිකාව සහ ඉරානය අතර සාම සාකච්ඡා යළි ආරම්භ වනු ඇතැයි යන අපේක්ෂාව මත ලෝක වෙළඳපොළේ බොරතෙල් මිල අද (15) දෙවන දිනටත් පහත වැටී තිබේ බ්රෙන්ට් (Brent) වර්ගයේ බොරතෙල් මිල 0.55% කින් පහත වැටී ඩොලර් 94.27 ක් ලෙස සටහන් වූ අතර ඇමරිකානු (WTI) බොරතෙල් මිල 1.1% කින් පහත වැටී ඩොලර් 90.24 ක් ලෙස වාර්තා විය ඉදිරි දින දෙක ඇතුළත පකිස්ථානයේදී සාකච්ඡා යළි ඇරඹිය හැකි බව ජනාධිපති ට්රම්ප් කළ ප්රකාශය ආයෝජකයන්ගේ විශ්වාසය ඉහළ නැංවීමට හේතු වී ඇත
කෙසේ වෙතත් හෝමුස් සමුද්ර සන්ධියේ නාවික ගමනාගමනය තවදුරටත් අවහිර වී පවතින අතර ඇමරිකානු නාවික හමුදාව විසින් ඉරානයෙන් පිටවීමට උත්සාහ කළ තෙල් නැව් දෙකක් නවතා ඇති බව ද වාර්තා වෙයි ඉරාන සහ රුසියානු තෙල් සඳහා ලබා දී තිබූ සම්බාධක ලිහිල් කිරීමේ සහන කාලය දීර්ඝ නොකිරීමට ඇමරිකානු රජය තීරණය කිරීමත් සමඟ වෙළඳපොළේ තෙල් සැපයුම සීමා වීමේ අවදානමක් ද පවතින බව ආර්ථික විශ්ලේෂකයෝ පෙන්වා දෙති
