බන්ධනාගාරගතව සිටින පූජ්‍ය ගලගොඩඅත්තේ ඥානසාර හිමියන්ගේ සිවුර ඉවත් කිරීමේ සිද්ධිය වීඩියෝගත කර ඇති බවට හිටපු පාර්ලිමේන්තු මන්ත්‍රී උදය ගම්මන්පිල මහතා කළ ප්‍රකාශය සම්බන්ධයෙන් විමර්ශනයක් සිදුකරන බව අමාත්‍ය නලින්ද ජයතිස්ස මහතා පවසයි.
අද (13) පැවැති කැබිනට් තීරණ දැනුම්දීමේ මාධ්‍ය හමුවට එක්වෙමින් අමාත්‍යවරයා සඳහන් කළේ, ගම්මන්පිල මහතා සිදුකර ඇති එම ප්‍රකාශය බරපතළ එකක් බවයි.
ඒ අනුව, අදාළ සිද්ධිය සම්බන්ධයෙන් බන්ධනාගාර දෙපාර්තමේන්තුව සහ ශ්‍රී ලංකා පොලිසිය මඟින් ඉදිරියේදී විමර්ශන සිදුකිරීමට නියමිත බවද අමාත්‍යවරයා වැඩිදුරටත් සඳහන් කර තිබේ.
මේ අතර, ඥානසාර හිමියන්ගේ සිවුර ඉවත් කිරීමේ සිද්ධිය සහ එය වීඩියෝගත කළ බවට එල්ල වන ප්‍රකාශ සම්බන්ධයෙන් මෙතෙක් ස්වාධීනව තහවුරු කළ තොරතුරු ප්‍රසිද්ධ වී නොමැත.
