අද (12) සිට ලබන 19 වැනිදා දක්වා කළු විරෝධතා සතියක් ප්රකාශයට පත්කර ඇතැයි ග්රාම නිලධාරී වෘත්තීය සමිති සන්ධානය පවසයි.
ග්රාම නිලධාරීන්ගේ අදහස් විමසීමකින් තොරව ග්රාම නිලධාරී ව්යවස්ථාවක් ගැසට් මගින් ප්රකාශයට පත් කිරීමට විරෝධය පළකරමින් මෙම ක්රියාමාර්ග ගන්නා බව එහි සම සභාපති නන්දන රණසිංහ මහතා සඳහන් කළේ ය.
මේ අතර, දිවයිනේ සියලු ප්රාදේශිය ලේකම් කොට්ඨාස නියෝජනය කරමින් ග්රාම නිලධාරීන් අද(12) පෙරවරුවේ රාජ්ය පරිපාලන අමාත්යංශය ඉදිරිපිටට කැඳවා විරෝධතාවක නිරතවන බව ද, ග්රාම නිලධාරී වෘත්තීය සමිති සන්ධානයේ සම සභාපති නන්දන රණසිංහ මහතා ප්රකාශ කළේ ය.මේ අතර ග්රාම නිලධාරීන් දියත්කර ඇති වර්ජන ක්රියාමාර්ගය හරහා ජනාධිපතිවරණයට බලපෑමක් එල්ල වන්නේ ද යන්න සම්බන්ධයෙන් මැතිවරණ කොමිසමේ සභාපති ආර්.එම්.ඒ.එල් රත්නායක මහතාගෙන් කළ විමසීමකදී ඔහු පවසා සිටියේ ජනාධිපතිවරණයට සම්බන්ධයෙන් වන සියලු කාර්යයන් ගැටලුවකින් තොරව සිදුකිරීමට ග්රාම නිලධාරී වෘත්තිය සමිති සන්ධානය මීට පෙර එකඟතාවය පළ කළ ද යළිත් ඔවුන් සමග සාකච්ඡා කිරීමට බලාපොරොත්තු වන බවයි .
