තමන් ඉදිරිපත් කළ ගැටලු කිහිපයක් සඳහා බලධාරීන් නිසි ප්රතිචාර නොදැක්වීමට එරෙහිව ග්රාම නිලධාරී වෘත්තීය සමිති සන්ධානය ඊයේ (24) සිට ක්රියාත්මක වන පරිදි සියලුම බාහිර රාජකාරිවලින් ඉවත් වීමට පියවර ගෙන තිබේ.
එම සන්ධානයේ සභාපති නන්දන රණසිංහ මහතා සඳහන් කළේ, මෙම වෘත්තීය ක්රියාමාර්ගය දැනටමත් ආරම්භ කර ඇති බවයි. තම ඉල්ලීම් සම්බන්ධයෙන් බලධාරීන් තවදුරටත් නිහඬව සිටින්නේ නම්, එළඹෙන 30 වැනිදා සේවයට වාර්තා නොකර අසනීප නිවාඩු දැමීමේ දැඩි වෘත්තීය ක්රියාමාර්ගයකට අවතීර්ණ වන බවට ද ඔහු අනතුරු ඇඟවීය.
ග්රාම නිලධාරීන් මෙම වෘත්තීය සමිති ක්රියාමාර්ගයට අවතීර්ණ වී ඇත්තේ ප්රවාහන කටයුතු සඳහා වන ඉන්ධන දීමනාව සාධාරණ ලෙස ඉහළ නොදැමීම, ග්රාම නිලධාරී සේවයට අදාළ මූලික පහසුකම් නිසි පරිදි ලබා නොදීම සහ අනෙකුත් දීමනා නිසි පරිදි නොලැබීම වැනි ප්රධාන ඉල්ලීම් කිහිපයක් මුල් කරගනිමිනි.
දීර්ඝ කාලයක් තිස්සේ මෙම ගැටලු පවතින බව පවසන ග්රාම නිලධාරී වෘත්තීය සමිති සන්ධානය, බලධාරීන්ගේ අවධානය කඩිනමින් මේ වෙත යොමු විය යුතු බව අවධාරණය කරයි.
