සංවිධානාත්මක අපරාධකරුවෙකු වන තනූජ සම්පත් හෙවත් ‘හඳයා’ විසින් මෙහෙයවනු ලබන මත්ද්රව්ය ජාලයේ ප්රධාන සාමාජිකයන් දෙදෙනෙකු පොලිසිය විසින් අත්අඩංගුවට ගෙන තිබේ. හිරිපිටිය සහ පන්නිපිටිය ප්රදේශවල සිදුකළ විශේෂ සෝදිසි මෙහෙයුම්වලදී මෙම සැකකරුවන් කොටු කර ගැනීමට පොලිසිය සමත් විය.
මෙලෙස අත්අඩංගුවට පත්ව ඇත්තේ රන්දික ලක්ෂාන් හෙවත් ‘බෝජා’ සහ අජන්ත ධම්මික හෙවත් ‘ගොතයා’ යන අයයි. මොවුන් ‘හඳයා’ගේ ජාලයේ ප්රධාන පෙළේ ජාවාරම්කරුවන් ලෙස හඳුනාගෙන තිබේ.
සැකකරුවන් සන්තකයේ තිබී අයිස්, හෙරොයින් සහ කුෂ් වැනි මත්ද්රව්ය තොගයක් පොලිස් භාරයට ගෙන ඇති අතර, එම මත්ද්රව්යවල වටිනාකම රුපියල් කෝටියකට අධික බව පොලිසිය වැඩිදුරටත් සඳහන් කරයි. මෙම අත්අඩංගුවට ගැනීමත් සමඟ ‘හඳයා’ගේ මත්ද්රව්ය ජාලයට තවත් බරපතල පහරක් එල්ල වී ඇති අතර, සැකකරුවන් සම්බන්ධයෙන් ඉදිරි විමර්ශන කටයුතු පොලිසිය විසින් සිදු කරනු ලබයි.
