ඇඹිලිපිටිය අධිකරණයේ කටයුතු පවත්වාගෙන යාමේදී විනිසුරුවරුන්, නීතිඥයින් සහ මහජනතාව මුහුණ දෙන ගැටලු පිළිබඳව විශේෂ සාකච්ඡාවක් සබරගමුව පළාත් සභා සංකීර්ණයේදී පවත්වා තිබේ. අධිකරණ සහ ජාතික ඒකාබද්ධතා අමාත්ය නීතිඥ හර්ෂණ නානායක්කාර මහතා සහ ඇඹිලිපිටිය නීතිඥ සංගමයේ නියෝජිතයින් අතර මෙම හමුව ඊයේ (14) පස්වරුවේ පැවැත්විණි.
මෙහිදී අධිකරණ පද්ධතියේ පවතින යටිතල පහසුකම් සහ දෛනික කටයුතුවලදී පැන නගින බාධාවන් පිළිබඳව අමාත්යවරයාගේ අවධානය යොමු කෙරුණු අතර, එම ගැටලුවලට කඩිනම් විසඳුම් ලබාදීමට පියවර ගන්නා බව අමාත්යවරයා එහිදී ප්රකාශ කර ඇත. මෙම අවස්ථාවට රත්නපුර දිස්ත්රික් පාර්ලිමේන්තු මන්ත්රී වෛද්ය ජානක සේනාරත්න, ඇඹිලිපිටිය නීතිඥ සංගමයේ සභාපති නීතිඥ ප්රේමසිරි අබේසූරිය සහ ලේකම් නීතිඥ විජිත පුංචිහේවා යන මහත්වරුන් ඇතුළු පිරිසක් එක්ව සිටියහ.
