Shield Restraint Systems (Pvt) Ltd සමාගම වෙනුවෙන් වතුපිටිවල අපනයන සැකසුම් කලාපයේ ඉදි කරන ලද අතිනවීන කර්මාන්තශාලාවේ ඉදිකිරීම් කටයුතු සාර්ථකව නිම කිරීමට Hayleys Fentons Limited හි ව්යාපෘති අංශය සමත් වී තිබේ. 2025 ජනවාරි 07 වන දින මුල්ගල තැබීමේ සිට මාස 14 ක් වැනි කෙටි කාලයක් ඇතුළත මෙහි ඉදිකිරීම් නිම කර පවරා දී ඇති අතර, රුපියල් බිලියනයකට අධික වටිනාකමකින් යුතු මෙම ව්යාපෘතිය ජාත්යන්තර වාහන නිෂ්පාදන ක්ෂේත්රය (Global Automotive Industry) වෙත සපයනු ලබන උසස් තත්ත්වයේ ආරක්ෂිත පටි සහ පද්ධති (Premium Safety Restraint Systems) නිෂ්පාදනය කිරීම සඳහා සකස් කරන ලද්දකි.
මෙම ව්යාපෘතිය හරහා ශ්රී ලාංකීය ඉදිකිරීම් ක්ෂේත්රයේ හැකියාවන්ට ජාත්යන්තරයේ පවතින ඉහළම මට්ටම සමඟ තරඟ කළ හැකි බව තහවුරු වන බව Hayleys Fentons හි නියෝජ්ය කළමනාකාර අධ්යක්ෂක – ව්යාපෘති සුජිත් ද අල්විස් මහතා සඳහන් කර ඇත. එපමණක් නොව, මෙරටට පැමිණෙන විදේශීය ආයෝජන (FDI) සහ මහා පරිමාණ කාර්මික ව්යාපෘති සඳහා විශ්වාසනීය සහකරුවෙකු ලෙස සමාගමේ ස්ථානය තවදුරටත් තහවුරු වන බව Hayleys Mobility Limited හි විධායක අධ්යක්ෂිකා රොෂානි ධර්මරත්න මහත්මියද පෙන්වා දී තිබේ.
