මැතිවරණ වේදිකාවලදී සහ විපක්ෂයේ සිටියදී “අපි කිසිදේකට බය නැහැ” යැයි කියමින් සරම උස්සා කෑගැසූ පිරිස්, අද වන විට එක වස් කවියකට බිය වී මහා සංඝරත්නය හමුවේ දණගසන තත්ත්වයට පත්ව ඇද්දැයි සමගි ජන බලවේගයේ හිටපු පාර්ලිමේන්තු මන්ත්රී හෙක්ටර් අප්පුහාමි මහතා ප්රශ්න කරයි.
මාධ්ය හමුවකදී අදහස් දක්වමින් ඔහු කියා සිටියේ, මහජනතාව ඉදිරියේ මහ ලොකුවට නිර්භීත බව පෙන්වීමට උත්සාහ කළද, ආණ්ඩුව සහ එහි ප්රබලයින් අද වන විට කුඩා විවේචනයකට හෝ ආගමික විශ්වාසයන් පදනම් කරගත් ප්රකාශයකට පවා දැඩි ලෙස භීතියට පත්ව ඇති බවයි.
විශේෂයෙන්ම, බලයට පත්වීමට පෙර සියලු සංප්රදායන් සහ විශ්වාසයන් හෙළා දකිමින් කතා කළ පිරිස්, බලය ලැබුණු පසු තමන්ගේ පැවැත්ම පිළිබඳ ඇති වූ බිය නිසා මෙලෙස ආගමික නායකයන් හා ස්වාමීන් වහන්සේලා ඉදිරියේ දණගැසීමට පටන්ගෙන ඇති බවත්, එය ඔවුන්ගේ දේශපාලනික ද්විත්ව රංගනය (Double Standards) මනාව පැහැදිලි කරන බවත් අප්පුහාමි මහතා වැඩිදුරටත් අවධාරණය කළේය.
ආණ්ඩුවේ ක්රියාකලාපය පිළිබඳව මහජනතාව තුළ දැඩි කලකිරීමක් හටගෙන ඇති අතර, මෙවැනි විවේචන හරහා විපක්ෂය උත්සාහ කරන්නේ ආණ්ඩුවේ අභ්යන්තර භීතිය සහ ප්රතිපත්තිමය පරස්පරතාවය සමාජගත කිරීමට බව දේශපාලන විශ්ලේෂකයෝ පෙන්වා දෙති.














