Hemas Consumer Brands සමාගමේ ගෘහස්ථ සන්නාමයන් වන Baby Cheramy සහ Clogard, PepperCube Consultants විසින් සිදු කර LMD සඟරාව මගින් ප්රකාශයට පත් කළ T25 සමීක්ෂණයට අනුව ශ්රී ලාංකිකයන්ගේ ප්රියතම නිෂ්පාදන සන්නාම අතරට ඇතුළත් වී තිබේ. 2025 මැයි මස සිට 2026 අප්රේල් මස දක්වා කාලය තුළ දිවයින පුරා පාරිභෝගිකයන් 12,000 දෙනෙකු යොදා ගනිමින් සිදු කළ මෙම සමීක්ෂණයේදී පාරිභෝගිකයන් විසින් කිසිදු පෙර යෝජනාවකින් තොරව (unprompted) තම ප්රියතම සන්නාමයන් ලෙස මේවා නම් කර ඇත.
මෙම ඇගයීමට අමතරව LMD විසින් Baby Cheramy සන්නාමය ‘Most Loved Brand’ සහ ‘Best of the Best’ Brand ලෙස නම් කර ඇති අතර Clogard සන්නාමය 2026 වසර සඳහා ‘Most Loved Product Brands’ අතරටද ඇතුළත් කර තිබේ. මේ පිළිබඳ අදහස් දක්වමින් Hemas Consumer Brands හි අලෙවි සාමාන්යාධිකාරීවරුන් වන තුල්සි ලියනගේ සහ සචිනි ගමගේ වෙළුංගොඩ යන මහත්මීන් සඳහන් කරන්නේ පාරිභෝගිකයන් තැබූ විශ්වාසය අඛණ්ඩව සුරකිමින් උසස් තත්ත්වයේ නිෂ්පාදන සහ සේවාවන් සපයන බවයි.
වසර 65ක උරුමයක් හිමි Baby Cheramy සන්නාමය ළදරු සුරැකුම් කාණ්ඩයේ ප්රමුඛතාව තහවුරු කරගෙන ඇති අතර, වසර 30කට අධික ඉතිහාසයක් ඇති Clogard සන්නාමය FDI World Dental Federation සමඟ එක්ව මෙරට මුඛ සෞඛ්ය නංවාලීමට කටයුතු කරයි. ශ්රී ලාංකිකයන්ගේ වෙනස්වන අවශ්යතාවන්ට ගැළපෙන මූල්යමය හා නිෂ්පාදනමය විසඳුම් සපයමින් පාරිභෝගික ප්රමිතීන් තවදුරටත් ඉහළ නැංවීමට Hemas Consumer Brands සමාගම ඉදිරියටත් කැපවී සිටියි.
