පාස්කු ඉරුදින ත්රස්ත ප්රහාරය වැළැක්වීමට කටයුතු නොකිරීමේ චෝදනාවට වරදකරු කරමින් හිටපු ආරක්ෂක ලේකම් හේමසිරි ප්රනාන්දු වෙත ත්රිපුද්ගල විනිසුරු මඬුල්ල විසින් තීන්දුව ප්රකාශයට පත් කර තිබේ.
මෙම නඩුවේ ත්රිපුද්ගල විනිසුරු මඬුල්ලේ බහුතර තීන්දුව ප්රකාශ කරමින් සභාපති විනිසුරු ප්රියන්ත ලියනගේ සහ තිලකරත්න බණ්ඩාර යන මහත්වරුන් සඳහන් කළේ, පැමිණිල්ල විසින් එල්ල කර තිබූ චෝදනා 855න් චෝදනා 854කට විත්තිකරු වරදකරු වන බවයි.
ඒ අනුව, නිශ්චිත චෝදනා කිහිපයක් සම්බන්ධයෙන් ප්රාණය නිරුද්ද වන තුරු ගෙල වැලලා එල්ලා මරණ දඩුවම ක්රියාත්මක කරන ලෙස විනිසුරු මඬුල්ල නියෝග කළ අතර, සෙසු චෝදනාවලට වෙන් වෙන් වශයෙන් වසර 12 බැගින් බරපතළ වැඩ ඇතිව සිර දඩුවම් සහ දඩ මුදල් නියම කෙරිණි. සුළුතර තීන්දුව ප්රකාශ කළ විනිසුරු විරාජ් වීරසූරිය මහතා විත්තිකරු නිදොස් කොට නිදහස් කළ යුතු බවට ප්රකාශ කළේය.
අධිකරණය හමුවේ කරුණු දක්වමින් හිටපු ආරක්ෂක ලේකම්වරයා සඳහන් කළේ තමාට ලිඛිත වාර්තා ලැබී නොතිබූ බවත්, ආරක්ෂක අමාත්යාංශයේ ලේකම්වරයෙකු ලෙස තමා අසරණ තත්ත්වයකට පත්ව සිටි බවත්ය. කෙසේ වෙතත්, “ඉතිහාසයේ කවදා හරි මාව නිදොස් කොට නිදහස් කරයි” යනුවෙන් ඔහු එහිදී වැඩිදුරටත් සඳහන් කළේය.
