ශ්රී ලංකාවේ සුඛෝපභෝගී මෝටර් රථ පාරිභෝගිකයින් ඉලක්ක කරගනිමින්, හැටන් නැෂනල් බැංකුව (HNB) සහ Access Motors (Pvt) Ltd. සමාගම සුවිශේෂී උපායමාර්ගික හවුල්කාරිත්වයකට එළඹී තිබේ. මෙමගින් ලොව ප්රකට Jaguar සහ Land Rover වාහන සඳහා ආකර්ෂණීය මූල්ය විසඳුම් ලබා දීමට දෙපාර්ශ්වයම කටයුතු කරයි.
2026 මැයි 25 වන දින සිට ක්රියාත්මක මෙම හවුල්කාරිත්වය යටතේ, පාරිභෝගිකයින්ට ඉතා පහසු ලීසිං ක්රමවේදයක් හඳුන්වා දී ඇත. බැංකුවේ ශක්තිමත් මූල්ය පසුබිම සහ Access Motors හි උසස් මෝටර් රථ තාක්ෂණය එක් කරමින්, පාරිභෝගිකයින්ට තම ප්රියතම වාහන හිමිකර ගැනීමට නව මගක් විවර කෙරේ. උසස් තත්ත්වයේ සේවාවන් අපේක්ෂා කරන පාරිභෝගිකයින්ට උපරිම වටිනාකමක් ලබා දීම සහ මෙරට සුඛෝපභෝගී වාහන ක්ෂේත්රය තවදුරටත් පුළුල් කිරීම මෙහි ඒකායන අරමුණයි.
මෙම වැඩසටහනේ විශේෂ ප්රතිලාභ අතර විශේෂ ලීසිං පොලී අනුපාත, පළමු වසරේ වාර්ෂික ගාස්තුවෙන් නිදහස් ක්රෙඩිට් කාඩ්පතක් සහ HNB ජෙනරල් ඉන්ෂුවරන්ස් හරහා ආකර්ෂණීය වාහන රක්ෂණ වාරික ඇතුළත් වේ. වාහන හිමිකාරිත්වය පුරා උපරිම ආරක්ෂාවක් සහ විශ්වාසනීයත්වයක් සහතික කිරීම මෙහි අරමුණයි.
මෙම හවුල්කාරිත්වය පිළිබඳව අදහස් දක්වමින් HNB ජ්යෙෂ්ඨ උප සභාපති/පාරිභෝගික බැංකුකරණ ප්රධානී කාංචන කරුණාගම මහතා පවසා සිටියේ, ඉහළ ක්රියාකාරීත්වයක් සහිත විද්යුත් සහ හයිබ්රිඩ් වාහන පාරිභෝගිකයින්ට සමීප කිරීමට Access Motors සමඟ එක්වීමට ලැබීම සතුටක් බවයි. එසේම, Access Motors සමාගමේ කළමනාකාර අධ්යක්ෂ තියෝ ප්රනාන්දු මහතා පෙන්වා දුන්නේ, සුඛෝපභෝගී බව, ඉහළ ක්රියාකාරීත්වය සහ පහසු මූල්ය විසඳුම් එකට එක් කරමින් පාරිභෝගිකයින් වෙත වඩාත් විශිෂ්ට අත්දැකීමක් ලබාදීමට මෙමගින් අවස්ථාව සැලසෙන බවයි.
