කොළඹ පෝට් සිටි (Port City Colombo) පරිශ්රයේ ඉදිවන අතිසුඛෝපභෝගී නිවුන් කුළුණු සංකීර්ණයක් වන “Central Park Boulevard” ව්යාපෘතියේ ඉදිකිරීම් කටයුතු ‘හෝම් ලෑන්ඩ්ස්’ (Home Lands) සමාගම විසින් අද නිල වශයෙන් ආරම්භ කර තිබේ. කොළඹ අහස්කුස අලුත් කරන මෙම සුවිශේෂී ව්යාපෘතිය පෝට් සිටි මධ්යම උද්යානයට (Central Park District) සහ ඉන්දියන් සාගරයට මුහුණලා ඉදිවීම විශේෂත්වයකි.
භූමිභාගයේ පැවැති විශේෂ සමාරම්භක උත්සවයේදී සමාගමේ ප්රධානීන් විසින් මෙම දැවැන්ත ව්යාපෘතියේ ඉදිකිරීම් සැලසුම්, එහි ඇති ඉහළ ආයෝජන වටිනාකම මෙන්ම මෙවැනි මහා පරිමාණ සුඛෝපභෝගී නිවාස ව්යාපෘතියක් නියමිත කලට නිම කිරීමට හෝම් ලෑන්ඩ්ස් සමාගම සතු ඉහළ හැකියාව පිළිබඳව දීර්ඝ වශයෙන් අදහස් දක්වන ලදී. ලංකාවේ ඉදිරි දේපළ වෙළෙඳපොළ උඩුයටිකුරු කරනු ඇතැයි අපේක්ෂා කරන මෙම නිවුන් කුළුණ, ශ්රී ලංකාවේ වඩාත්ම ආකර්ෂණීය සුඛෝපභෝගී නේවාසික ලිපිනයක් වනු ඇති බව විදේශීය හා දේශීය ආයෝජකයන් පවසයි.
