මෙලෙස සෙනසුරාදා දින ගමන් කළ නෞකා අතරින් පහක් ඉරානයෙන් පටවන ලද තෙල් නිෂ්පාදන සහ ලෝහ රැගෙන යමින් තිබූ ඒවා වේ. ද්රව පෙට්රෝලියම් ගෑස් (LPG) රැගෙන යන නෞකා තුනක් ද ඒ අතර වන අතර ඒවා චීනය සහ ඉන්දියාව බලා යාත්රා කරමින් පවතී. මීට අමතරව එක්සත් අරාබි එමීර් රාජ්යයේ සිට ඉන්දුනීසියාව බලා යාත්රා කරන ‘Crave’ නෞකාව ද බහරේනයෙන් පටවන ලද පිරිපහදු කළ තෙල් නිෂ්පාදන රැගෙන මොසැම්බික් සහ තායිලන්තය බලා යන නෞකා දෙකක් ද මේ අතර වේ.
කලාපීය බලශක්ති සැපයුම සම්බන්ධයෙන් ගත් කල, දකුණු කොරියාව බලා ‘නැප්තා’ (Naphtha) බැරල් 500,000ක් රැගෙන යන නෞකාවක් සහ තායිවානය බලා සෞදි අරාබියේ බොරතෙල් බැරල් මිලියන 2ක් රැගෙන යන දැවැන්ත නෞකාවක් ද හෝර්මුස් සමුද්ර සන්ධිය පසු කර තිබේ. කටාර් රාජ්යයේ සිට එක්සත් අරාබි එමීර් රාජ්යය බලා පොහොර රැගෙන යන නෞකාවක් මෙන්ම සෞදි අරාබියේ සිට ඉතාලිය බලා පෙට්රෝලියම් කෝක් රැගෙන යන නෞකාවක් ද මෙම දත්තවලට ඇතුළත් වේ.
ශ්රී ලංකාවට අදාළව විශේෂ පුවතක් ද මෙම වාර්තාවේ සඳහන් වන අතර ඒ අනුව එක්සත් අරාබි එමීර් රාජ්යයේ ‘දාස්’ (Das) වර්ගයේ බොරතෙල් බැරල් 780,000ක් පටවාගත් ඉන්දීය ධජය සහිත ‘Desh Garima’ නෞකාව ද හෝර්මුස් සමුද්ර සන්ධිය පසු කර ශ්රී ලංකාව බලා යාත්රා කරමින් පවතී. මෙම වාතාවරණය හමුවේ කලාපීය බලශක්ති ප්රවාහනය යම් ස්ථාවර මට්ටමකට පැමිණෙමින් පවතින බව පෙනෙන්නට තිබේ.
