HUTCH Sri Lanka සමාගම පාරිසරික තිරසාරත්වය වෙනුවෙන් වන සිය කැපවීම යළිත් තහවුරු කරමින්, බලන්ගොඩ රජවක වන රක්ෂිතය කේන්ද්ර කරගත් වැසි වනාන්තර ප්රතිසංස්කරණ වැඩසටහනේ තෙවන අදියර සාර්ථකව ක්රියාත්මක කර ඇත. ‘ශ්රී ලංකා වැසි වනාන්තර සුරකින්නන්ගේ සංවිධානය’ (Rainforest Protectors Sri Lanka) සමඟ එක්ව ක්රියාත්මක කළ මෙම ව්යාපෘතිය හරහා රක්ෂිතයේ හානියට ලක් වූ අක්කර භාගයක භූමි ප්රමාණයක දේශීය ශාක පැළෑටි 500කට ආසන්න ප්රමාණයක් රෝපණය කෙරිණි.
ස්වාභාවික වනාන්තර ව්යුහය නැවත ගොඩනැඟීම, ජෛව විවිධත්වය සුරැකීම සහ ජීවී පරිසර පද්ධතිවල ගුණාත්මකභාවය ඉහළ නැංවීම මෙම වැඩසටහනේ මූලික අරමුණයි. සමාගමේ කාර්ය මණ්ඩලයේ සෘජු දායකත්වයෙන් සිදුකෙරුණු මෙම ක්රියාවලිය, ආයතනික සංස්කෘතිය තුළ තිරසාරත්වය දෛනික පුරුද්දක් කර ගැනීමට සමාගම දරන උත්සාහය පිළිබිඹු කරයි.
මෙම ව්යාපෘතිය 2050 වසර වන විට කාබන් මධ්යස්ථ රටක් බවට පත්වීමේ ශ්රී ලංකාවේ ජාතික ඉලක්කය සපුරා ගැනීමට අත්වැලක් වේ. CK Hutchison Holdings හි අනුබද්ධිත ආයතනයක් ලෙස HUTCH සමාගම සිය ESG දර්ශකය පුළුල් කරමින් පුනර්ජනනීය බලශක්ති භාවිතය, e-SIM ප්රවර්ධනය, චක්රීය ආර්ථික සංකල්ප සහ අපද්රව්ය කළමනාකරණ ව්යාපෘති ඇතුළු හරිත මුලපිරීම් රැසක් ක්රියාත්මක කරයි.
මෙම හවුල්කාරිත්වය මව් සමාගමේ ESG ප්රතිපත්තියට අනුකූලව පාරිසරික භාරකාරත්වය සහ දේශගුණික වෙනස්වීම්වලට ඔරොත්තු දීමේ හැකියාව වෙනුවෙන් HUTCH දක්වන අඛණ්ඩ කැපවීමට සාක්ෂියක් බව ප්රධාන අලෙවි නිලධාරී හම්දි හසන් මහතා ප්රකාශ කළේය. මෙරට ජනතාවගේ යහපත් ජීවනෝපාය උදෙසා පරිසර පද්ධතීන් සුරක්ෂිත කිරීමේ වැදගත්කම ඔහු වැඩිදුරටත් අවධාරණය කළේය.
