ශ්රී ලංකා ක්රිකට් ආයතනය (SLC) විසින් ක්රිකට් පරිපාලනය සහ ව්යවස්ථාපිත ප්රතිසංස්කරණ වෙනුවෙන් ගෙන ඇති පියවර පිළිබඳව ජාත්යන්තර ක්රිකට් කවුන්සිලය (ICC) සිය සතුට පළ කර තිබේ. එඩින්බරෝ නුවරදී පැවති ජාත්යන්තර ක්රිකට් කවුන්සිලයේ වාර්ෂික සමුළුවෙන් අනතුරුව නිකුත් කළ නිවේදනයක මේ බව දැක්වේ.
ශ්රී ලංකා ක්රිකට් ආයතනයේ වත්මන් පාලන ව්යුහය සහ නව ව්යවස්ථාවක් කෙටුම්පත් කිරීම සම්බන්ධයෙන් සිදුකර ඇති ප්රගතිය ICC මණ්ඩලය විසින් හඳුනාගෙන ඇති අතර, එය දිගුකාලීන පාලන ස්ථාවරත්වයක් ඇති කිරීම සඳහා ගනු ලැබූ වැදගත් පියවරක් ලෙස ඔවුන් අගය කරයි.
කෙසේ වෙතත්, ක්රිකට් ආයතනයේ පරිපාලන කටයුතු තවදුරටත් විධිමත් කිරීමේ අරමුණින්, හැකි ඉක්මනින් නිලවරණයක් පවත්වා තේරී පත් වූ පාලන අධිකාරියක් යටතේ කටයුතු භාර දීමේ වැදගත්කම ICC මණ්ඩලය විසින් අවධාරණය කර ඇත. ඒ අනුව, පාලන ගැටලු සම්පූර්ණයෙන් නිරාකරණය වී නිලවරණය පවත්වන තෙක් ජාත්යන්තර ක්රිකට් කවුන්සිලයේ මණ්ඩල රැස්වීම්වලදී ශ්රී ලංකාව නියෝජනය කිරීමේ අවස්ථාව තවදුරටත් අත්හිටුවීමට ICC ගත් තීරණය ක්රියාත්මක වන බව එම නිවේදනයේ වැඩිදුරටත් සඳහන් වේ.
