ලිංගික අපචාර චෝදනා එල්ල වී සිටි ජාත්යන්තර අපරාධ අධිකරණයේ (ICC) ප්රධාන අභිචෝදක කරීම් ඛාන් එම ධුරයෙන් නෙරපා හැරීමට අදාළ අධිකරණයේ සාමාජික රටවල් පියවර ගෙන තිබේ. එක්සත් ජාතීන්ගේ සංවිධානයේ නිව්යෝර්ක් මූලස්ථානයේදී පැවැති විශේෂ රහස් ඡන්ද විමසීමකදී, ඔහුව ධුරයෙන් ඉවත් කිරීමේ යෝජනාවට පක්ෂව සාමාජික රටවල් 82ක ඡන්දය හිමිවීමත් සමඟ මෙම තීරණය ප්රකාශයට පත් කර ඇත.
ජාත්යන්තර අපරාධ අධිකරණයේ කනිෂ්ඨ සේවිකාවක සමඟ නුසුදුසු ලිංගික සබඳතාවක් පැවැත්වූ බවට එල්ල වූ චෝදනා හේතුවෙන් කරීම් ඛාන් පසුගිය මාසයේදී වැඩතහනමකට ද ලක්ව සිටියේය. අදාළ සිද්ධිය සම්බන්ධයෙන් පරීක්ෂණ පැවැත්වූ අධිකරණයේ අධීක්ෂණ මණ්ඩලය ජූනි මාසයේදී අනාවරණ කර තිබුණේ, අදාළ සේවිකාව ඉදිරිපත් කළ පැමිණිල්ල ඉදිරියට ගෙන යාම වැළැක්වීමට උත්සාහ කරමින් ඔහු බරපතළ ලෙස රාජකාරි පැහැර හැරීමක් සහ බරපතළ චරිත දූෂණයක් සිදු කර ඇති බවයි.
කෙසේවෙතත්, තමාට එල්ල වූ සියලු ලිංගික අපචාර චෝදනා යළි යළිත් ප්රතික්ෂේප කළ කරීම් ඛාන්, තම ධුරයෙන් ඉවත් කිරීමට අදාළ තීරණයට එරෙහිව පවත්නා සියලු නීතිමය මාර්ග ඔස්සේ අභියෝග කරන බව ප්රකාශ කර තිබේ. ජාත්යන්තර අපරාධ අධිකරණ ඉතිහාසයේ ප්රධාන අභිචෝදකවරයෙකු මෙලෙස ධුරයෙන් පහකළ පළමු අවස්ථාව මෙය වන අතර, එම ධුරය සඳහා නව නිලධාරියෙකු පත් කරගැනීමේ ඉදිරි ක්රියාමාර්ග ගැනීමට නියමිතය.
