අක්කරායන්කුලම් පොලිස් වසමට අයත් මුක්කම්පන් ප්රදේශයේ පිහිටි අක්කරායන් රක්ෂිත වනාන්තරය JCB යන්ත්රයක් යොදාගනිමින් නීතිවිරෝධී ලෙස එළිපෙහෙලි කරමින් සිටි සැකකරුවන් 09 දෙනෙකු වනජීවී සහ කිලිනොච්චිය පොලිස් විශේෂ කාර්ය බලකා නිලධාරීන් එක්ව සිදුකළ වැටලීමකදී අත්අඩංගුවට ගෙන තිබේ. ඊයේ (24) දහවල් කාලයේ ලැබුණු තොරතුරකට අනුව ක්රියාත්මක වූ නිලධාරීන්, රක්ෂිතය එළිපෙහෙලි කිරීමට යොදාගත් JCB යන්ත්රය ද සිය භාරයට ගැනීමට කටයුතු කර ඇත.
අත්අඩංගුවට ගැනීමට යාමේදී සැකකරුවන් විසින් වනජීවී නිලධාරීන්ට සහ පොලිස් විශේෂ කාර්ය බලකා නිලධාරීන්ට විරෝධය පා රාජකාරියට බාධා කර ඇති බව වාර්තා වේ. එහිදී අදාළ පිරිස නිලධාරීන්ට පහරදී ඔවුන් සතු ගිනිඅවි උදුරා ගැනීමට ද තැත් කර ඇති අතර, වහාම ක්රියාත්මක වූ ආරක්ෂක නිලධාරීන් සැකකරුවන් පාලනය කර අත්අඩංගුවට ගෙන තිබේ.
අත්අඩංගුවට ගත් සැකකරුවන් ඉදිරි නීතිමය කටයුතු සඳහා අධිකරණයට ඉදිරිපත් කිරීමට පියවර ගෙන ඇත. රක්ෂිත වනාන්තර විනාශ කිරීම සහ රාජකාරියට බාධා කරමින් පහරදීම සම්බන්ධයෙන් අදාළ අංශ මගින් වැඩිදුර විමර්ෂණ ක්රියාත්මක කෙරේ.
