IIT-PDU ආයතනයේ වෘත්තීය සංවර්ධන ඒකකය (PDU) මගින් සංවිධානය කරන ලද 2026 කේම්බ්රිජ් සම්මාන ප්රදානෝත්සවය පසුගියදා ඉතා සාර්ථකව පවත්වන ලදී. සිසුන්ගේ අධ්යයන විශිෂ්ටත්වය සහ ජාත්යන්තර මට්ටමේ ඉංග්රීසි භාෂා නිපුණතා ඇගයීම මෙම උළෙලෙහි මූලික අරමුණ විය.
IIT-PDU ආයතනය A1 සිට C2 මට්ටම් දක්වා කේම්බ්රිජ් ඉංග්රීසි පාඨමාලා මෙහෙයවනු ලබන අතර, එය ගෝලීය වශයෙන් පිළිගත් Linguaskill විභාග මධ්යස්ථානයක් ලෙස ද කටයුතු කරයි. මෙවර උළෙලේදී Linguaskill වැඩසටහන යටතේ A1 සිට C1 මට්ටම් දක්වා ඉහළ දක්ෂතා පෙන්වමින් විභාග සමත් වූ සිසුන් වෙත සහතික පත්ර ප්රදානය කිරීම සිදු කෙරිණි. කොළඹ, ගාල්ල සහ කුරුණෑගල යන මධ්යස්ථාන නියෝජනය කරමින් සිසුන් විශාල පිරිසක් මේ සඳහා සහභාගී වීම විශේෂත්වයකි.
මෙම අවස්ථාවට IIT ආයතනයේ අධ්යක්ෂ සහ ප්රධාන මෙහෙයුම් නිලධාරී සුදර්ශන වැලිහින්ද මහතා, ශ්රී ලංකාවේ කේම්බ්රිජ් ඉංග්රීසි ආයතනයේ ව්යාපාර සංවර්ධන කළමනාකරු හාසික් ෆෙරෝස් මහතා සහ වෘත්තීය සංවර්ධන ඒකකයේ පීඨාධිපතිනි අචිනි ප්රනාන්දු මෙනවිය ඇතුළු සම්භාවනීය අමුත්තන් රැසක් එක්ව සිටියහ. ගෝලීය භාෂා කුසලතා සංවර්ධනය වෙනුවෙන් IIT-PDU ආයතනය දක්වන කැපවීම මෙම සම්මාන උළෙල හරහා යළිත් තහවුරු විය.
