ඉරාන යුද්ධය හේතුවෙන් ගෝලීය ආර්ථිකයට එල්ල වී ඇති දැඩි බලපෑම, සටන් වහාම නතර කළද සම්පූර්ණයෙන්ම සමනය වීමට අවම වශයෙන් මාස තුනත් හතරත් අතර කාලයක් ගතවනු ඇතැයි ජාත්යන්තර මූල්ය අරමුදලේ කළමනාකාර අධ්යක්ෂ ක්රිස්ටලිනා ජෝර්ජීවා මහත්මිය ප්රකාශ කරයි. ඇය මෙම අදහස් දැක්වූයේ ඇමරිකානු මාධ්ය ජාලයක් වන CNBC සමඟ සම්මුඛ සාකච්ඡාවකට එක්වෙමිනි.
මෙම අර්බුදය හේතුවෙන් බලශක්ති සැපයුම්වලට හානි සිදුවීම, ඉන්ධන මිල ඉහළ යාම සහ සැපයුම් දාමයන්හි ගැටලු පැන නැගීම නිසා ලෝක ආර්ථික වර්ධන වේගයට දැඩි බලපෑමක් එල්ල වී තිබේ. විශේෂයෙන්ම බලශක්ති ආනයනය මත යැපෙන රටවල් සහ අඩු ආදායම්ලාභී රටවල් මෙම තත්ත්වය හමුවේ දැඩි අභියෝග රැසකට මුහුණ දෙමින් සිටිති.
උද්ධමනය පාලනය කිරීම සඳහා මධ්යම බැංකු ඉතා විමසිලිමත්ව සහ දැඩි ක්රියාමාර්ග ගත යුතු බවත්, අනවශ්ය සහනාධාර ලබා දීමෙන් ආර්ථික අර්බුදය තවදුරටත් උග්ර විය හැකි බවත් IMF ප්රධානියා වැඩිදුරටත් පෙන්වා දෙයි.
