ජාත්යන්තර මූල්ය අරමුදල (IMF) විසින් ශ්රී ලංකාව අත්කරගෙන ඇති ආර්ථික ප්රගතිය, උද්ධමනය සැලකිය යුතු ලෙස පහත වැටීම සහ ආර්ථික ස්ථාවරත්වය ඇගයීමට ලක් කර තිබේ.
මෙම ප්රගතිය සහ ඉදිරි සංවර්ධන අදියර සාකච්ඡා කිරීම සඳහා IMF නියෝජිත පිරිසක් අද (30) අරලියගහ මන්දිරයේදී අග්රාමාත්ය ආචාර්ය හරිනි අමරසූරිය මහත්මිය හමුවිය. පසුගිය වසර එකහමාරක කාලය තුළ IMF ලබාදුන් සහයෝගයට අග්රාමාත්යවරිය සිය කෘතඥතාව පළ කළ අතර, දෙපාර්ශවය අතර හවුල්කාරිත්වය ඉදිරියටත් පවත්වාගෙන යාමේ වැදගත්කම අවධාරණය කළාය.
ගෝලීය අවිනිශ්චිතතා හමුවේ ශ්රී ලංකාවේ ඉදිරි ගමන් මඟ සම්බන්ධයෙන් අග්රාමාත්යවරිය පෙන්වා දුන් කරුණු:
ක්ෂේත්ර අවධානය ලෙස බලශක්ති, වරාය සහ කෘෂිකාර්මික ක්ෂේත්ර කෙරෙහි වැඩි අවධානයක් යොමු කිරීම සිදුකළ යුතුය.ආර්ථික ඉලක්ක ලෙස වෙළෙඳාම ප්රවර්ධනය, ආයෝජන ආකර්ෂණය සහ සමාජ ආරක්ෂණය ශක්තිමත් කිරීම මගින් සියල්ල ඇතුළත් ආර්ථිකයක් ගොඩනැගිය යුතුය.යටිතල පහසුකම් අංශයෙන් අපද්රව්ය කළමනාකරණය සහ අපජල පද්ධති වැනි පොදු යටිතල පහසුකම් ශක්තිමත් කිරීමේ අවශ්යතාව පවතී.රාජ්ය සේවය කාර්යක්ෂම කිරීමට මානව සම්පත් ගැටළු විසඳීම අත්යවශ්ය වේ.තවද, ගෝලීය ආර්ථික අභියෝග හමුවේ ශ්රී ලංකාවට සිය පූර්ණ සහයෝගය ලබා දීමට සූදානම් බව IMF නියෝජිතයෝ තහවුරු කළහ.මෙම අවස්ථාවට IMF ආසියා හා පැසිෆික් දෙපාර්තමේන්තුවේ නියෝජ්ය අධ්යක්ෂ සොනාලි ජෛන්-චන්ද්රා මහත්මිය, ශ්රී ලංකාව සඳහා වන IMF දූත මණ්ඩල ප්රධානී එවන් පැපජෝර්ජියෝ මහතා, IMF නේවාසික නියෝජිත මාර්තා වෝල්ඩෙමයිකල් මහත්මිය සහ ශ්රී ලංකා මහ බැංකුවේ ජ්යෙෂ්ඨ නියෝජ්ය අධිපති කේ. එම්. ඒ. එන්. දවුලගල මහත්මිය ඇතුළු පිරිසක් සහභාගී වූහ.
