ජාත්යන්තර මූල්ය අරමුදල විසින් ශ්රී ලංකාවට ඇමෙරිකානු ඩොලර් මිලියන 695ක මුදලක් ලබා දීමත් සමඟ නිකුත් කළ නවතම වාර්තාව මගින්, ශ්රී ලංකාවේ ණය ගෙවීමේ හැකියාව හෙවත් ණය තිරසර බව තවමත් ඉහළ අවදානම් මට්ටමක පවතින බවට අනතුරු අඟවා ඇත.
ශ්රී ලංකාවේ ආර්ථික වර්ධන විභවතාව ඉහළ නංවා ගැනීමට අවශ්ය බවත්, ඒ සඳහා ව්යුහාත්මක ප්රතිසංස්කරණ මෙන්ම නව්යකරණය කරන ලද රාජ්ය යටිතල පහසුකම් ද අවශ්ය බවත් අරමුදල පෙන්වා දෙයි. ජාත්යන්තර මූල්ය අරමුදලේ නියෝජ්ය කළමනාකාර අධ්යක්ෂ සහ වැඩබලන ප්රධානී කෙන්ජි ඔකමුරා මහතා සඳහන් කරන පරිදි, වැඩසටහන් කාර්ය සාධනය පොදුවේ ගත් විට ශක්තිමත්ව පැවතිය ද රාජ්ය මූල්ය, ආයෝජන කළමනාකරණ සහ විදුලිබල ක්ෂේත්රයේ ප්රතිසංස්කරණ සම්පූර්ණ කිරීම සඳහා ප්රයත්න දැරීම අවශ්ය වේ. රජයේ ආදායම් රැස් කිරීම දිගටම සිදුකිරීම අත්යවශ්ය වන අතර, මැදි කාලීන ආදායම් රැස් කිරීමේ උපායමාර්ගයක් සකස් කිරීම හරහා බදු ක්රමය වඩාත් කාර්යක්ෂම කළ යුතු බව ඔකමුරා මහතා පවසයි. ණය ප්රතිව්යුහගතකරණය සම්පූර්ණ කිරීමට ආසන්න වුව ද ණය තිරසර බව පිළිබඳ අවදානම් තවමත් ඉහළ මට්ටමක පවතී. එසේම, මිල ස්ථායීතාවට ප්රමුඛතාව දෙමින් මුදල් ප්රතිපත්තිය පවත්වාගෙන යා යුතු අතර, විදේශීය අංශයේ ස්වාරක්ෂක සහ ඔරොත්තුදීමේ හැකියාව යළි ගොඩනගා ගැනීමට විනිමය අනුපාතිකයේ නම්යශීලීතාව ඉහළ නැංවීම සහ ගෙවුම් තුලන ක්රියාමාර්ග ක්රමයෙන් ඉවත් කිරීම තීරණාත්මක වේ.
