බුදුපුත් සුරක්ෂා සෞඛ්ය ආරක්ෂණ වැඩසටහන යටතේ මේ වන විට භික්ෂූන් වහන්සේලා 8853 නමක් සහ දසසිල් මෑණිවරුන් 404 දෙනෙකු ලියාපදිංචි වී ඇති බව බුද්ධශාසන, ආගමික සහ සංස්කෘතික කටයුතු අමාත්යාංශය පවසයි.
මෙම වැඩසටහනේ ප්රධාන අරමුණ වන්නේ භික්ෂූන් වහන්සේලා සහ දසසිල් මෑණිවරුන් රෝගීව රෝහල් ගතවූ විට වෛද්ය සහ රෝහල් ගාස්තු ලබා දීමයි. මෙම වසරේ මුල් මාස නවය තුළ වෛද්ය සහ රෝහල් ගාස්තු ඉල්ලීම් 23ක් සඳහා රුපියල් 986,481ක මුදලක් ගෙවා ඇත. වෙනත් රක්ෂණ ක්රමයකින් ආවරණය නොවන භික්ෂූන් වහන්සේලා සහ දසසිල් මෑණිවරුන් මෙම රක්ෂණ ක්රමය සඳහා ලියාපදිංචි කර හිමිකම් පතක් නිකුත් කරනු ලබයි. මෙම වැඩසටහන සඳහා ලියාපදිංචි වීමට අවශ්ය ආකෘති පත්ර ප්රාදේශීය ලේකම් කාර්යාලවලට අනුයුක්ත බෞද්ධ කටයුතු සමායෝජක නිලධාරීන්ගෙන් ලබා ගත හැකිය.
