මධ්‍යම අධිවේගී මාර්ගයේ ඉදිකිරීම් කඩිනම් කරන්න ලෙස ජනාධිපති ගෝඨාභය රාජපක්ෂ මහතා විෂයභාර අමාත්‍ය අමාත්‍ය ජොන්ස්ටන් ප්‍රනාන්දු මහතාට නියම කර ඇති බව ජනාධිපති මාධ්‍ය අංශය නිවේදනය කරයි.
කිලෝග්‍රෑමයකට රුපියල් 50 ක සහතික මිල යටතේ 2020 යල කන්නයේ වී අස්වනු මිලදී ගැනීම සඳහා මහා භාණ්ඩාගාරයෙන් මුල්‍ය ප්‍රතිපාදන නිදහස් කර ඇති බව මුදල් අමාත්‍යංශය පවසයි.
රටේ තවමත් විදුලි බලය නැති පවුල් 12,500 සඳහා නොමිලේ සූර්ය බල විදුලි කට්ටල ලබා දීම රජය මහමැතිවරණයෙන් පසුව ආරම්භ කරන බව විදුලිබල බලශක්ති හා ප්‍රවාහණ සේවා කළමනාකරණ අමාතය මහින්ද අමරවීර මහතා පවසයි.
පාරම්පරික දේශීය වෛද්‍ය ක්‍රම රැක ගැනීමට විධිමත් වැඩපිළිවෙළක් සැකසීමේ අවශ්‍යතාව ජනාධිපති ගෝඨාභය රාජපක්ෂ මහතා පවසයි.
මැණික් හා ස්වර්ණාභරණ මධ්‍යම සංවිධානයේ ඉදිරි කටයුතු හා යෝජනා පිළිබඳ සාකච්ඡාවක් මධ්‍යම පළාත් ආණ්ඩුකාරවර නීතීඥ ලලිත් යු ගමගේ මහතාගේ ප්‍රධානත්වයෙන් මධ්‍යම පළාත් ආණ්ඩුකාර කාර්යාලයේදී (21) පැවැත්විණි.
යහපාලනය පැවැති වසර 05ක් තිස්සේ ක්‍රියාත්මක කිරීමට ඉඩ නොදී ඇන හිට තිබු කුඩා ජල විදුලි ව්‍යාපෘති 15ක ගිවිසුම් යළි දීර්ඝ කිරීමට පියවර ගන්නා ලෙස විදුලිබල බලශක්ති හා ප්‍රවාහන සේවා කළමනාකරණ අමාත්‍ය මහින්ද අමරවීර මහතා ලංකා විදුලි බල මණ්ඩලයට උපදෙස් දුන්නේය.
කොළඹ නගරයේ ජීවත්වන ජනතාවගේ පහසුව උදෙසා කොළඹ මහ නගර සභාව මගින් ක්‍රියාත්මක කර ඇති කඩිනමින් හිමිකම් සහතික පත් ලබාදීමේ (Single Window Counter) මධ්‍යස්ථානයේ වැඩ කටයුතු පිළිබඳව සොයා බැලීමට බස්නාහිර පළාත් ආණ්ඩුකාර රොෂාන් ගුණතිලක මහතා ගොස් තිබේ.
ශ්‍රී ලංකා දුම්රිය සේවාව සඳහා නව මගී ප්‍රවාහන දුම්රිය මැඳිරි 70ක් හා භාණ්ඩ ප්‍රවාහණය සඳහා යොදා ගන්නා බහාලුම් තැම්පත් කිරීමට අවශ්‍ය තට්ටු Flat Beds 20ක් මිල දී ගැනීමට අවශ්‍ය මුල්‍ය සහයෝගිතාවය හා එම උපකරණ ලබා දීමට ඉන්දුනිසියානු රජය විසින් තීරණය කර ඇති බව ශ්‍රී ලංකාවේ ඉන්දුනිසියානු තානාපති I. gusti Ngurah Ardiasa මහතා පවසයි.
මෙතෙක් විශාල මුදලක් ගෙවා පුද්ගලික ආයතනයක් මගින් නිකුත් කරන ලද රියදුරු බලපත්‍ර සැකසීම මෝටර් රථ ප්‍රවාහන දෙපාර්තමේන්තුව මගින් සිදු කෙරේ.
රජය ධාන්‍ය ආනයනය නතර කර ඇති හෙයින්, ධාන්‍ය වර්ග ඉහළ මිලකට දේශීය සහ විදේශීය වෙළෙඳපොළට සැපයීමේ අවස්ථාව ගොවී ජනතාවට දැන් උදා වී ඇතැයි ජනාධිපති ගෝඨාභය රාජපක්ෂ මහතා පවසයි.