ලංකා ප්රිමියර් ලීග් (LPL) ක්රිකට් තරගාවලියේ 6 වන අදියර ආරම්භ වීමට පෙර ජැෆ්නා කින්ග්ස් (Jaffna Kings) කණ්ඩායමේ හිමිකාරිත්වය වෙනස් වී ඇති බව අද (15) නිල වශයෙන් නිවේදනය කෙරුණි. ඒ අනුව ඉන්දීය ක්රීඩා ව්යවසායකයින් වන මන්ජොට් කල්රා (Manjot Kalra) සහ මායන්ක් ගෝයල් (Mayank Goel) මෙහෙයවන ‘Sports Commune’ ආයතනය ජැෆ්නා කින්ග්ස් කණ්ඩායමේ නව හිමිකරුවන් ලෙස කටයුතු කරනු ඇත. ක්රීඩා ක්ෂේත්රයේ අත්දැකීම් මෙන්ම ඩිජිටල් මාධ්ය සහ ව්යවසායකත්ව හැකියාවන්ගෙන් යුත් මෙම නව හිමිකාරිත්වය හරහා ජැෆ්නා කින්ග්ස් කණ්ඩායම වඩාත් ශක්තිමත් මෙන්ම තරඟකාරී කණ්ඩායමක් ලෙස ඉදිරියට ගෙන යාම ඔවුන්ගේ ප්රධාන අරමුණයි.
ශ්රී ලංකා ක්රිකට් ආයතනය සහ LPL සංවිධායක මණ්ඩලය ද මෙම නව වෙනස සුභවාදීව පිළිගෙන ඇති අතර, මෙය ලංකා ප්රිමියර් ලීග් තරගාවලියේ වාණිජමය වටිනාකම සහ ගුණාත්මකභාවය ඉහළ නැංවීමට මනා පිටුවහලක් වනු ඇතැයි විශ්වාසය පළ කරයි. විශේෂයෙන්ම තරුණ ක්රීඩකයින් දිරිමත් කිරීම සහ නවීන ක්රීඩා සංස්කෘතියක් කණ්ඩායම තුළ ස්ථාපිත කිරීමට මෙම නව හිමිකරුවන් සූදානමින් සිටින අතර ඉදිරි තරගාවලිය සඳහා කණ්ඩායමේ නායකත්වය සහ සංචිතය පිළිබඳ තොරතුරු ඉදිරියේදී ප්රකාශයට පත් කිරීමට නියමිතය.
