ශ්රී ලංකාව සහ ඉන්දියාව අතර පවතින උපායමාර්ගික හවුල්කාරිත්වය තවදුරටත් ශක්තිමත් කරමින්, අමෙරිකානු ඩොලර් මිලියන 450ක (රුපියල් කෝටි 14,000ක) සුවිශේෂී ප්රතිසංස්කරණ පැකේජයක් ලබාදීම පිළිබඳව දෙරට අතර තීරණාත්මක සාකච්ඡා පවත්වා තිබේ.
ණය ප්රතිව්යූහගතකරණ ක්රියාවලියෙන් පසු මෙරට ආර්ථික ස්ථාවරත්වය ඇති කිරීමට අවශ්ය ප්රතිසංස්කරණ කඩිනම් කිරීම මෙම මූල්ය පැකේජයේ ප්රධාන අරමුණයි. මීට අමතරව, දිට්වා සුළි කුණාටුවෙන් විපතට පත් වූවන්ට සහන සැලසීම සඳහා ද මෙම ප්රතිපාදන යොදා ගැනීමට නියමිතය.
මෙම විශේෂ හමුව කම්කරු අමාත්ය සහ මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා සහ ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතා අතර පසුගියදා (මැයි 10) පැවැත්විණි. එහිදී දෙරටේ නියෝජිතයන් අවධාරණය කළේ මෙම සහයෝගිතාව හරහා ඉන්දු – ලංකා ආර්ථික සබඳතා නව මානයකට ගෙන යාමට හැකි වනු ඇති බවයි. ශ්රී ලංකාවේ ආර්ථික ප්රතිසංස්කරණ ක්රියාවලිය වෙනුවෙන් ඉන්දියාව ලබා දෙන මෙම අඛණ්ඩ දායකත්වය මෙරට ඉදිරි ගමනට විශාල පිටිවහලක් වනු ඇත.
