ඉදිරි කාලය තුළ මෙරට ඉන්ධන සැපයුම සම්බන්ධයෙන් කිසිදු ගැටලුවක් පැන නොනඟින බව බලශක්ති අමාත්ය ආචාර්ය අනුර කරුණාතිලක මහතා සහතික කරයි. රජයේ ප්රවෘත්ති දෙපාර්තමේන්තුවේ පැවති මාධ්ය හමුවකට එක්වෙමින් අමාත්යවරයා සඳහන් කළේ රටට අවශ්ය ඉන්ධන ඇණවුම් දැනටමත් නිසි පරිදි සිදු කර ඇති බවයි.
වත්මන් ඉන්ධන පාලන ක්රමවේදය පිළිබඳව අදහස් දක්වමින් අමාත්යවරයා පෙන්වා දුන්නේ QR කෝටා ක්රමය නුදුරු අනාගතයේදී සම්පූර්ණයෙන් ඉවත් කිරීමට රජය බලාපොරොත්තු නොවන බවයි. අනවශ්ය ලෙස ඉන්ධන භාවිතය සීමා කිරීම සහ විදේශයන් වෙත ඩොලර් ගලා යාම පාලනය කිරීම එහි ප්රධාන අරමුණ බව හෙතෙම පැහැදිලි කළේය.
කෙසේ වෙතත්, පවතින අවශ්යතාවය සහ ඉල්ලුම සැලකිල්ලට ගනිමින් ඉදිරියේදී ඉන්ධන කෝටාව වැඩි කිරීම සම්බන්ධයෙන් රජයේ අවධානය යොමුව ඇති බවත්, ඒ පිළිබඳව ඉදිරියේදී සලකා බලන බවත් අමාත්යවරයා වැඩිදුරටත් ප්රකාශ කළේය.
