ඉන්දියාවේ දශක හයකට අධික කාලයක් පැවති මාඕවාදී කැරැල්ල අවසන් වී ඇතත්, වනාන්තර සහ මාර්ග අසල වළ දමා ඇති සිය ගණනක් බිම්බෝම්බ සහ වැඩිදියුණු කළ පුපුරණ ද්රව්ය (IEDs) තවමත් එරට ජනතාවට මාරාන්තික තර්ජනයක් වී තිබේ. මධ්යම ඉන්දියාවේ වනාන්තර හරහා දිවෙන අඩි පාරවල් සහ කුඩා මාර්ග යට කැරලිකරුවන් විසින් වළ දමා ඇති මෙම බෝම්බ, පීඩනයට සංවේදී ලෙස සකස් කර ඇති බව වාර්තා වේ.
වානේ කෑම පෙට්ටි තුළට ජෙලටින්, යකඩ බෝල සහ ලෝහ කැබලි පුරවා ඉතා සරල අයුරින් නිපදවා ඇති මෙම බෝම්බ අතිශය විනාශකාරී බලයකින් යුක්ත බව ආරක්ෂක අංශ පෙන්වා දෙති. ඉන්දියාවේ චතිස්ගාර් (Chhattisgarh) ප්රාන්තයේ බිජාපූර් දිස්ත්රික්කයේ පදිංචි රාජු මොඩියම් වැනි බොහෝ දෙනෙකුට මෙලෙස වළ දමා තිබූ බිම්බෝම්බවලට ගොදුරු වීමෙන් සිය අත් පා අහිමි වී තිබේ. කැරැල්ල අවසන් වුවද මෙම සැඟවුණු මර උගුල් ඉවත් කිරීම ආරක්ෂක අංශ හමුවේ පවතින විශාලතම අභියෝගයක් බවට පත්ව ඇත.
