රටේ පවතින අයහපත් තත්ත්වය සමනය කරගැනීමට සහයෝගයක් වශයෙන් ඉන්දීයාව විසින් එවූ මානූෂිය සහනාධාර රැගත් දුම්රියක් පසුගියදා මාතලේට ළගා විය.
මාතලේ දිස්ත්‍රික් ලේකම් තේජානි තිලකරත්න මහත්මියගේ උපදෙස් පරිදි දිස්ත්‍රික්කයේ අඩු ආදායම්ලාභීන් අතර මෙම ආධාර කඩිනමින් බෙදා දීමට සැලසුම් කොට ඇති අතර ඒ අනුව ඉදිරියේ දී මෙම ආධාර දිස්ත්‍රික්කයේ ප්‍රාදේශීය ලේකම් කොට්ඨාස වෙත යැවීමට නියමිතය.
මාතලේ දිස්ත්‍රීක්කය වෙත දුම්රිය මඟින් ලඟාවූ ඉන්දීය මානුෂීය ආධාර තොගය මාතලේ අතිරේක දිස්ත්‍රික් ලේකම් නිශාන්ත කරුණාතිලක,අතිරේක දිස්ත්‍රික් ලේකම් (ඉඩම්) චමිලා අතපත්තු මහත්ම මහත්මීන් විසින් මාතලේ දුම්රිය ස්ථානයේ දී භාර ගන්නා ලදි.
එහිදී, උකුවෙල කොට්ඨාසයට අදාල ආධාර , උකුවෙල දුම්රිය ස්ථනයේදී උකුවෙල ප්‍රාදේශීය ලේකම් සේරසිංහ මහත්මිය ඇතුළු නිලධාරීන් විසින් භාර ගන්නා ලදි.
මාතලේ මහේෂ් කිර්තිරත්න
