ආසියානු කුසලාන කාන්තා ක්‍රිකට් තරගාවලියේශූරතාව දිනාගැනීමට ඉන්දීය කාන්තා ක්‍රිකට් කණ්ඩායම සමත් වූවත්, ජයග්‍රාහී කුසලානය පාකිස්ථාන ක්‍රිකට් මණ්ඩලයේ සභාපති මෙන්ම පාකිස්ථාන අභ්‍යන්තර කටයුතු අමාත්‍යවරයාද වන මොහ්සින් නක්වි මහතා අතින් බාරගැනීම ඉන්දීය කණ්ඩායම විසින් සෘජුවම ප්‍රතික්ෂේප කර තිබේ.
ඉන්දියාව සහ පාකිස්ථානය අතර පවතින උග්‍ර රාජ්‍යතාන්ත්‍රික සහ දේශපාලන නොසන්සුන්තාව පදනම් කරගනිමින් මෙම තීරණය ගෙන ඇති බව වාර්තා වන අතර, තිළිණ ප්‍රදානෝත්සවය අතරතුර ඉන්දීය නායිකාව ඇතුළු කණ්ඩායම වෙනත් ACC නිලධාරියෙකු මගින් කුසලානය ලබාගැනීමට කටයුතු කර ඇත. දෙරට අතර පවතින දේශපාලන සහ ආරක්ෂක මතභේද ක්‍රිකට් පිටිය වෙතද සෘජුවම බලපා ඇති බව පෙන්නුම් කරන මෙම සිදුවීමත් සමඟ, ජාත්‍යන්තර ක්‍රිකට් කවුන්සිලය සහ ආසියානු ක්‍රිකට් කවුන්සිලය අභ්‍යන්තරයේ දැඩි උණුසුම්කාරී තත්ත්වයක් නිර්මාණය වී තිබේ.
