කුෂ් මත්ද්රව්ය කිලෝග්රෑම් 1කට අධික ප්රමාණයක් මෙරටට ගෙන ඒමට උත්සාහ කළ ඉන්දීය ජාතිකයෙකු කටුනායක බණ්ඩාරනායක ජාත්යන්තර ගුවන්තොටුපොළේදී අද (21) පෙරවරුවේ අත්අඩංගුවට ගෙන තිබේ. ගුවන්තොටුපොළ රේගු නිලධාරීන් සහ පොලිස් මත්ද්රව්ය කාර්යාංශය එක්ව සිදුකළ විශේෂ වැටලීමකදී මෙම සැකකරු හසු වී ඇත.
අත්අඩංගුවට ගත් සැකකරු 35 හැවිරිදි වියේ පසුවන ඉන්දීය ජාතිකයෙකු බව පොලිසිය තහවුරු කළේය. ඔහු සන්තකයේ තිබූ මත්ද්රව්ය තොගයේ වෙළෙඳපොළ වටිනාකම මෙතෙක් නිශ්චිතව ගණනය කර නොමැති අතර, සිද්ධිය සම්බන්ධයෙන් ගුවන්තොටුපොළ පොලිස් මත්ද්රව්ය කාර්යාංශය වැඩිදුර විමර්ශන මෙහෙයවනු ලබයි. මත්ද්රව්ය ජාවාරම්කරුවන්ට එරෙහිව දැඩි මෙහෙයුම් ක්රියාත්මක වන පසුබිමක මෙම අත්අඩංගුවට ගැනීම සිදු විය.
