කිමිදුම් කටයුතු සඳහා සහය දක්වන (Diving Support Vessel) වර්ගයේ නෞකාවක් වන මෙහි අණදෙන නිලධාරී ලෙස කොමාණ්ඩර් සයිලේෂ් කුමාර් ත්යාගි (Sailesh Kumar Tyagi) කටයුතු කරයි. මෙම සංචාරයේ ප්රධාන අරමුණ වන්නේ ශ්රී ලංකා නාවික හමුදාව සමඟ එක්ව “මිශ්ර වායු කිමිදුම් පුහුණු” (Mixed Gas Diving Training) වැඩසටහනක් පැවැත්වීමයි.
මෙම පුහුණුව මඟින් දෙරටේ නාවික හමුදා කිමිදුම් අංශ අතර අත්දැකීම් හුවමාරු කර ගැනීමටත්, වෘත්තීය ශක්යතාවන් වර්ධනය කර ගැනීමටත් අවස්ථාව සැලසේ. මීට අමතරව, නෞකාවේ කාර්ය මණ්ඩලය දෙරටේ සහයෝගිතාව වර්ධනය කිරීම වෙනුවෙන් සංවිධානය කර ඇති සුහද වැඩසටහන් කිහිපයකට සහභාගී වීමටත්, දිවයිනේ සංස්කෘතිකමය වශයෙන් වැදගත් ස්ථාන නැරඹීමටත් නියමිතය.
