ඉන්දුනීසියාවේ සුමාත්රා (Sumatra) සහ කාලිමන්තාන් (Kalimantan) ප්රදේශවල පැතිර යන පාලනයකින් තොර ලැව්ගිනි හේතුවෙන් හටගෙන ඇති දැවැන්ත දුම් වලාකුළු (Haze) නිසා ඉන්දුනීසියාව ඇතුළු අසල්වැසි රටවල සෞඛ්ය ක්ෂේත්රයට දැඩි බලපෑම් එල්ල වී තිබේ.
ජූලි සහ අගෝස්තු මාස දෙක තුළ පමණක් උග්ර ශ්වසන ආබාධ (Acute Respiratory Infections) වැළඳුණු රෝගීන් 50,000කට වැඩි පිරිසක් වාර්තා වී ඇති අතර, ඉන් 12,000කට අධික සංඛ්යාවක් අවුරුදු 5ට අඩු කුඩා දරුවන් බව සෞඛ්ය වාර්තා තහවුරු කරයි. බලපෑමට ලක්වූ ප්රදේශ වෙත අමතර සෞඛ්ය සේවකයන් යෙදවීමටත්, මුඛ ආවරණ සහ ඔක්සිජන් පහසුකම් බෙදාහැරීමටත් ඉන්දුනීසියානු සෞඛ්ය අමාත්යාංශය පියවර ගෙන ඇත. මේ අතර, මෙම දුම් වලාකුළු මැලේසියාව, සිංගප්පූරුව සහ පිලිපීනය දක්වා පැතිර ගොස් ඇති අතර, මැලේසියාවේ සරවාක් (Sarawak) වැනි ප්රදේශවල වාතයේ ගුණාත්මකභාවය අතිශය අන්තරායකාරී (Hazardous) මට්ටමට පහත වැටීම නිසා ඇදුම, ඇස් දැවිල්ල සහ ශ්වසන අබාධ සීඝ්රයෙන් ඉහළ යමින් පවතී.
