රජයේ රස පරීක්ෂක වාර්තා නීති විරෝධී ලෙස ලබා ගැනීම සඳහා රුපියල් ලක්ෂ 64කට අධික මුදලක් අල්ලස් ලෙස ලබා දුන් බවට චෝදනා ලැබ රක්ෂිත බන්ධනාගාරගත කර සිටි පෞද්ගලික රක්ෂණ සමාගමක සාමාන්යාධිකාරීවරයෙකු ඇප මත මුදා හැරීමට කොළඹ ප්රධාන මහෙස්ත්රාත් අසංග බෝදරගම මහතා අද (15) නියෝග කළේය. මෙසේ ඇප හිමිවූයේ අදාළ සමාගමේ මෝටර් තාක්ෂණ අංශයේ සාමාන්යාධිකාරී සනත් ප්රියන්ත රණවීර නැමති සැකකරුට වන අතර, ඔහුට විදෙස් ගමන් තහනමක් ද පනවනු ලැබීය.
සැකකරු වෙනුවෙන් පෙනී සිටි ජනාධිපති නීතිඥ අලි සබ්රි මහතා අධිකරණයට පෙන්වා දුන්නේ, විශ්රාමික අතිරේක රජයේ රස පරීක්ෂකවරයෙකුගේ සේවය ලබා ගැනීම නීත්යානුකූල පදනමක් මත සිදු කර ඇති බවත්, අනෙකුත් රක්ෂණ සමාගම් ද මෙවැනිම ක්රමවේද අනුගමනය කරද්දී සිය සේවාදායකයා පමණක් ඉලක්ක කිරීම අසාධාරණ බවත්ය. කෙසේ වෙතත්, අල්ලස් කොමිසම අධිකරණයට දන්වා සිටියේ රජයේ රස පරීක්ෂක දෙපාර්තමේන්තුවෙන් වාර්තා ලබා ගැනීමට අල්ලස් ලබා දීම සහ දූෂණයට ආධාර අනුබල දීම සම්බන්ධයෙන් තවදුරටත් විමර්ශන පවත්වන බවයි. දෙපාර්ශවයේම කරුණු සලකා බැලූ මහෙස්ත්රාත්වරයා සැකකරු ඇප මත මුදා හැරීමටත්, විමර්ශනවල ප්රගතිය ජුනි 23 වැනි දින අධිකරණයට ඉදිරිපත් කිරීමටත් නියෝග කළේය.
