සෞදි අරාබිය විසින් පාකිස්ථානය වෙත අලුතින් ඇමෙරිකානු ඩොලර් බිලියන 3ක තැන්පතුවක් ලබන සතියේ ලබා දීමට නියමිත බව පාකිස්ථාන මුදල් අමාත්ය මුහම්මද් අවුරන්ග්සෙබ් (Muhammad Aurangzeb) මහතා ප්රකාශ කර තිබේ. මීට පෙර වාර්ෂිකව අලුත් කිරීමට සිදු වූ ඩොලර් බිලියන 5ක සෞදි තැන්පතුව ද දැන් දීර්ඝ කාලීන පදනමක් යටතේ පවත්වාගෙන යාමට දෙරට එකඟ වී ඇත.
මෙම මූල්ය සහාය පාකිස්ථානයේ විදේශ විනිමය සංචිත ශක්තිමත් කිරීමට ඉවහල් වන අතර, මෙම මූල්ය වර්ෂය අවසන් වන විට ඇමෙරිකානු ඩොලර් බිලියන 18ක සංචිත මට්ටමක් පවත්වා ගැනීම රජයේ ඉලක්කය බව මුදල් අමාත්යවරයා වැඩිදුරටත් සඳහන් කරයි. පාකිස්ථානය පසුගිය සතියේදී ඩොලර් බිලියන 1.4ක යුරෝබොන්ඩ් (Eurobond) ණය මුදලක් සාර්ථකව පියවා ඇති අතර, ඉදිරි සියලු විදේශීය මූල්ය වගකීම් නියමිත වේලාවට ගෙවා අවසන් කිරීමට රජය කැපවී සිටින බව ද ඔහු අවධාරණය කළේය.
