ඉස්ලාමාබාද් මතක පත්රිකාව (Islamabad memorandum) හෙට දිනයේදී අත්සන් නොකරන බව ප්රකාශ කරමින් ඉරාන විදේශ කටයුතු අමාත්යාංශය ජාත්යන්තර මාධ්ය ඔස්සේ පැතිර යන ප්රචාරයන් නිල වශයෙන් ප්රතික්ෂේප කර තිබේ.
ඉරාන විදේශ අමාත්යාංශය අවධාරණය කරන්නේ වත්මන් සාකච්ඡා වටවලදී න්යෂ්ටික ගැටලු (Nuclear issues) පිළිබඳව කිසිදු අවධානයක් යොමු කර නොමැති අතර, එහි එකම සහ ප්රධානතම අරමුණ වී ඇත්තේ කලාපීය යුදමය තත්ත්වය අවසන් කිරීම (Ending the war) පමණක් බවයි. ඉදිරි දින කිහිපය තුළදී මෙවැනි ගිවිසුමකට එළඹීමේ හැකියාවක් පැවතියද, සාකච්ඡාවලට සම්බන්ධ “අනෙක් පාර්ශවයේ පවතින අස්ථාවර සහ නොගැලපෙන ප්රතිපත්ති” (The other side’s inconsistency) පිළිබඳව තමන් දැඩි අවධානයෙන් පසුවන බවටද ඉරානය අනතුරු අඟවයි.
ඇමරිකානු ජනාධිපති ඩොනල්ඩ් ට්රම්ප් (Donald Trump) විසින් මෙම එකඟතාවන් තමන් ලැබූ විශාල ජයග්රහණයක් ලෙස පෙන්වීමට උත්සාහ කළද, ඉරානය සහ ඇමරිකාව අතර පවතින දැඩි අවිශ්වාසය හමුවේ එම ක්රියාවලිය තවදුරටත් ප්රමුඛ පෙළේ නෛතික ගැටලුවලට මුහුණ දෙමින් පවතින බව දේශපාලන විචාරකයෝ පෙන්වා දෙති.
තොරතුරු උපුටා ගැනීම: Mario nawfal(X) ඇසුරින්
