මැදපෙරදිග කලාපයේ ස්ථාවරත්වය සහ ආරක්ෂාව තහවුරු කරගැනීමේ අරමුණින් කටාර් රාජ්යය විසින් ඉරානය වෙත ඩොලර් බිලියන 12ක දැවැන්ත මූල්ය පහසුකමක් පිරිනැමීමට සූදානම් වන බව ජාත්යන්තර මාධ්ය වාර්තා කරයි. මෙම මූල්ය පැකේජය කොටස් දෙකකින් සමන්විත වේ.
මෙහි පළමු කොටස වන්නේ මීට පෙර අත්හිටුවා (Frozen funds) තිබූ ඉරානයට අයත් ඩොලර් බිලියන 6ක මුදලක් නිදහස් කිරීමයි. එම මුදල සම්පූර්ණයෙන්ම “මානුෂීය ආධාර” (Humanitarian purposes) සඳහා පමණක් භාවිත කිරීමට අවසර හිමිවේ. දෙවැනි කොටස වන්නේ කටාරය විසින් ඉරානය වෙත අලුතින් පිරිනමනු ලබන තවත් ඩොලර් බිලියන 6ක ණය හෝ ණය සීමා (Fresh loan/credit line) පහසුකමකි.
මෙම දෙවැනි බිලියන 6ක මුදල කටාර් රාජ්යයේ කළමනාකාරිත්වය යටතේ පවතින නමුත්, එම මුදල් වැය කරන්නේ කුමන අරමුණු සඳහාද යන්න තීරණය කිරීමේ බලය ටෙහෙරාන් (Tehran) පාලනයට හිමි වේ. දේශපාලන විචාරකයන් පෙන්වා දෙන්නේ කලාපීය ගැටුම් අවම කරගැනීම සහ ඉරානයේ හැසිරීම් පාලනය කර ස්ථාවරත්වයක් ඇති කරගැනීම උදෙසා ගල්ෆ් කලාපීය අරාබි රටවල් මෙම නව ආර්ථික සහ රාජ්ය තාන්ත්රික උපායමාර්ගය භාවිත කරමින් සිටින බවයි.
තොරතුරු උපුටා ගැනීම: Mario nawfal(X) ඇසුරින්
