හෝමූස් සමුද්රසන්ධිය හරහා කෙරෙන නාවික ගමනාගමනය අත්හිටුවීම සඳහා රොකට් ප්රහාර යොදාගනිමින් මුහුදු බිම්බෝම්බ එළීමට ඉරානය උත්සාහ කරන බවට ඇමෙරිකානු එක්සත් ජනපදය චෝදනා කරන බව අල් ජසීරා පුවත් සේවය වාර්තා කරයි.
මිලිටරි විශ්ලේෂකයින් පෙන්වා දෙන්නේ සාම්ප්රදායික රොකට් තාක්ෂණය මගින් මුහුදු බිම්බෝම්බ එළීම ප්රායෝගිකව සිදුකිරීම අතිශය අභියෝගාත්මක සහ අපහසු කටයුත්තක් වුවද, තම අවශ්යතාවන්ට සරිලන සේ සාම්ප්රදායික ආයුධ විකරණය කිරීම සහ නවීකරණය කිරීම සම්බන්ධයෙන් ඉරානය දීර්ඝ කාලීන පළපුරුද්දක් සහිත රටක් බවයි.
පවතින දැඩි හමුදාමය තර්ජන හමුවේ වුවද සාම්ප්රදායික නොවන අසමමිතික යුධ උපක්රම සහ අඩු පිරිවැය තාක්ෂණයන් භාවිත කරමින් නාවික බලපෑම් එල්ල කිරීමට ඉරානයට ඇති හැකියාව පිළිබඳව ජාත්යන්තරයේ දැඩි අවධානය යොමු වී ඇත.
