ඉරාන විප්ලවීය ආරක්ෂක බලකාය (IRGC) විසින් හෝමූස් සමුද්ර සන්ධියේදී ජාත්යන්තර නෞකා දෙකක් සිය භාරයට ගෙන ඇති බව එරට රජයේ පුවත් සේවා අද (22) වාර්තා කළේය. ඉරානයේ තස්නිම් (Tasnim) පුවත් සේවයට අනුව, මෙලෙස අත්අඩංගුවට ගෙන ඇත්තේ ‘MSC Francesca’ සහ ‘Epaminondas’ යන නෞකා දෙකයි. මෙම නෞකා ජාත්යන්තර මුහුදු ගමන් නීති උල්ලංඝනය කරමින් ක්රියා කළ බවට ඉරාන බලධාරීන් චෝදනා කරයි.
මෙම නෞකා දෙක මීට පෙර එම මුහුදු තීරයේදීම වෙඩි තැබීමකට ලක්ව ඇති බවත්, ඉන් අනතුරුව මෙලෙස ඉරාන හමුදා භාරයට ගෙන ඇති බවත් වාර්තා වේ. මේ වන විට අදාළ නෞකා දෙක වැඩිදුර පරීක්ෂණ සඳහා ඉරාන වෙරළ තීරය වෙත රැගෙන ගොස් ඇත. පවතින යුදමය වාතාවරණය හමුවේ හෝමූස් සමුද්ර සන්ධියේ ආරක්ෂාව පිළිබඳව ජාත්යන්තර අවධානය දැඩි වී ඇති මොහොතක මෙම සිදුවීම වාර්තා වීම විශේෂත්වයකි.
