ඉරානය ‘යටත් කර ගැනීමට’ ඇමෙරිකාව හෝ ඊශ්රායලය දරන ඕනෑම උත්සාහයක් අනිවාර්යයෙන්ම අසාර්ථක වන බවත්, ඉරාන ජාතීන් කිසිලෙසකත් එවැනි ප්රවේශයක් පිළි නොගන්නා බවත් ඉරාන ජනාධිපති මසූඩ් පෙසෙෂ්කියන් (Masoud Pezeshkian) ප්රකාශ කර තිබේ. බදාදා දින ටෙහෙරානයේ හදිසි සේවා නිලධාරීන් සමඟ පැවැති හමුවකදී ජනාධිපතිවරයා අවධාරණය කළේ ඉරානය යුද්ධයක් හෝ අස්ථාවරත්වයක් අපේක්ෂා නොකරන බවයි.
ඒ වෙනුවට විවිධ රටවල් සමඟ ගොඩනැගිය හැකි සහ සාධනීය සාකච්ඡා හා අන්තර් සම්බන්ධතා පවත්වා ගැනීමේ අවශ්යතාව ඉරානය නිරන්තරයෙන් අවධාරණය කර ඇති බව ද ඔහු සඳහන් කළේය. ඉදිරි දින දෙක තුළ පකිස්ථානයේදී ඇමෙරිකා-ඉරාන සාකච්ඡා යළි ආරම්භ විය හැකි බවට ඩොනල්ඩ් ට්රම්ප් ප්රකාශ කර තිබුණ ද, ඉරාන රජය ඒ පිළිබඳව මෙතෙක් නිල වශයෙන් අදහස් දක්වා නොමැති පසුබිමක ජනාධිපතිවරයාගේ මෙම ප්රකාශය නිකුත් වී තිබේ.
