සියලුම වාණිජ නෞකාවන්ගේ ගමනාගමනය සඳහා ඉරානය විසින් හෝමුස් සමුද්ර සන්ධිය සම්පූර්ණයෙන්ම විවෘත කර තිබේ. ලෙබනනයේ ප්රකාශයට පත් කරන ලද සටන් විරාමයට අනුකූලව මෙම තීරණය ගත් බව ඉරාන විදේශ අමාත්යවරයා නිල නිවේදනයක් නිකුත් කරමින් ප්රකාශ කළේය.
ඒ අනුව සටන් විරාම කාලසීමාව තුළ ඉරානය විසින් හඳුන්වා දී ඇති විශේෂ සම්බන්ධීකරණ මාර්ගයක් ඔස්සේ ඕනෑම වාණිජ නෞකාවකට හෝමුස් සමුද්ර සන්ධිය හරහා ගමන් කිරීමේ අවස්ථාව උදා වේ. කලාපීය නාවික වෙළඳාමට එල්ල වී තිබූ බාධා ඉවත් කරමින් ගත් මෙම පියවර ජාත්යන්තර වෙළඳපොළ කෙරෙහි සුබවාදී බලපෑමක් ඇති කරනු ඇතැයි අපේක්ෂා කෙරේ.
