ඇමෙරිකාව සමඟ පවතින දැඩි යුදමය නොසන්සුන්තාව සමනය කරගැනීමේ අරමුණින්, හෝමුස් සමුද්ර සන්ධියේ ඕමාන් පාර්ශවයට අයත් මුහුදු තීරය හරහා නෞකාවලට ප්රහාරාත්මක තර්ජනයකින් තොරව ගමන් කිරීමට ඉඩ ලබාදීමේ යෝජනාවක් ඉරානය විසින් ඉදිරිපත් කර තිබේ. ටෙහෙරාන් ආරංචි මාර්ග උපුටා දක්වමින් විදෙස් මාධ්ය වාර්තා කරන්නේ, ඇමෙරිකාව සමඟ දැනට පැවැත්වෙන රාජ්ය තාන්ත්රික සාකච්ඡාවල කොටසක් ලෙස මෙම යෝජනාව ඉදිරිපත් වී ඇති බවයි.
පසුගිය පෙබරවාරි 28 වැනිදා ආරම්භ වූ යුදමය තත්ත්වය හේතුවෙන් ලෝකයේ තෙල් සහ ස්වභාවික වායු අවශ්යතාවයෙන් 20%ක් සපයන මෙම මුහුදු මාර්ගයේ නෞකා ගමනාගමනය බරපතල ලෙස අඩාල විය. නව යෝජනාවට අනුව, ඕමාන් මුහුදු සීමාව හරහා නෞකාවලට නිදහසේ යාමට ඉඩ දීම මගින් ගෝලීය බලශක්ති සැපයුමට එල්ල වී ඇති බාධා ඉවත් කිරීමටත්, නව යුදමය ගැටුමක් ඇතිවීම වැළැක්වීමටත් ඉරානය අපේක්ෂා කරයි.
කෙසේ වෙතත්, මෙම යෝජනාව ක්රියාත්මක වීම සඳහා ඇමෙරිකාව විසින් ඉරානයේ ඇතැම් කොන්දේසිවලට එකඟ විය යුතු බවත්, විශේෂයෙන්ම වරායන්වල සිරවී ඇති නෞකා නිදහස් කිරීම වැනි කරුණු මෙහිදී තීරණාත්මක වනු ඇති බවත් වාර්තා වේ. මෙම යෝජනාව මෙතෙක් ක්රියාත්මක වූ දැඩි ප්රතිපත්තිවලින් ඉරානය යම් පියවරක් පසුපසට තැබීමක් ලෙස දේශපාලන විචාරකයෝ හඳුන්වති.
