ඇමෙරිකා එක්සත් ජනපදය සහ ඊශ්රායලය සමඟ පවතින ගැටුම් නැවත ආරම්භ වීමේ ඉඩකඩක් පවතින බව ඉරාන සන්නද්ධ හමුදාව අනතුරු අඟවයි. අමෙරිකාව කිසිදු ගිවිසුමකට හෝ එකඟතාවකට අවංකව කැපවී නොමැති බවට සාක්ෂි පවතින බවත්, එරට නිලධාරීන්ගේ මෑත කාලීන ප්රකාශ සහ ක්රියාකලාපයන් හරහා රාජ්ය තාන්ත්රික උත්සාහයන් කෙරෙහි ඔවුන් තුළ ඇති අකමැත්ත මනාව පැහැදිලි වන බවත් ඉරාන ජ්යෙෂ්ඨ හමුදා නිලධාරී මොහොමඩ් ජෆාර් අසාදි පවසයි.
ෆාර්ස් පුවත් ඒජන්සිය වෙත අදහස් දක්වමින් ඔහු වැඩිදුරටත් සඳහන් කළේ, අමෙරිකානු නිලධාරීන්ගේ මෙම ක්රියාමාර්ග මූලික වශයෙන් මාධ්ය කේන්ද්ර කරගත් ඒවා බවත්, එමගින් ඔවුන් බලාපොරොත්තු වන්නේ තෙල් මිල පහත වැටීම වැළැක්වීමට සහ තමන් විසින්ම නිර්මාණය කරගත් අර්බුදකාරී තත්ත්වයන්ගෙන් ගොඩ ඒමට බවයි. ඕනෑම නව අභියෝගයකට හෝ අමෙරිකානුවන්ගේ ඕනෑම අඥාන ක්රියාවකට මුහුණ දීමට ඉරාන සන්නද්ධ හමුදාව සම්පූර්ණයෙන්ම සූදානමින් සිටින බව අසාදි අවධාරණය කරයි.
මේ වන විට ඉරානය සහ අමෙරිකාව අතර වක්ර සාකච්ඡා සහ යෝජනා පිළිබඳව සාකච්ඡා සිදුවෙමින් පවතින අතර, ඉරානය විසින් ඉදිරිපත් කළ නව සාම යෝජනාව තමන්ට එකඟ විය නොහැකි කරුණු අඩංගු එකක් බව අමෙරිකානු ජනාධිපති ඩොනල්ඩ් ට්රම්ප් මීට පෙර ප්රකාශ කර තිබුණි. කෙසේ වෙතත්, ඉරාන හමුදා නායකත්වයේ මෙම නවතම ප්රකාශයට අමෙරිකානු නිලධාරීන්ගෙන් මෙතෙක් නිල ප්රතිචාරයක් ලැබී නොමැත.
