ඉරාන තානාපති හෂේම් අෂ්ජාසාදේ , විදේශ කටයුතු අමාත්‍ය අලි සබ්රි මහතාව ඊයේ (15) දින විදේශ කටයුතු අමාත්‍යාංශයේ දී හමුවිය.
දෙරට අතර පවත්නා දීර්ඝකාලීන සුහද සබඳතා පිළිබඳව සඳහන් කළ විදේශ කටයුතු අමාත්‍යවරයා, ශ්‍රී ලංකාව මේ වන විට මුහුණ දෙන ආර්ථික පසුබෑම සහ එම තත්ත්වය අවම කොට ස්ථාවරභාවය ළඟා කරගැනීම සඳහා රජය ගෙන ඇති ප්‍රත්‍යක්ෂ ක්‍රියාමාර්ග පිළිබඳව තානාපතිවරයා දැනුවත් කළේ ය.
ශ්‍රී ලංකා – ඉරාන ද්විපාර්ශ්වික සබඳතාවල වැදගත්කම පිළිබඳව අවධාරණය කළ තානාපති හෂේම් අෂ්ජාසාදේ මැතිතුමා, ඉරාන ජනරජයේ අඛණ්ඩ සහය ශ්‍රී ලංකාවට ලබා දෙන බවට සහතික විය.
