ඉරානය සහ ඇමෙරිකාව අතර පවතින සාම සාකච්ඡා බිඳ වැටුණහොත්, නැවතත් සෘජු යුද ගැටුමකට අවතීර්ණ වීමට තම රට සූදානම් බව ඉරාන විදේශ අමාත්ය අබ්බාස් අරග්චි පවසයි. වත්මන් සාකච්ඡා වටයන් හරහා පිළිගත හැකි සහ සාධාරණ එකඟතාවයකට පැමිණීමට අපොහොසත් වුවහොත්, මෙම තීරණය ක්රියාත්මක කරන බව ඔහු අවධාරණය කළේය.
ඉරානයට එරෙහිව ඇමෙරිකාව සහ ඊශ්රායලය දියත් කර ඇති යුදමය ක්රියාමාර්ග හේතුවෙන් සමස්ත කලාපයටම දැඩි හානි සිදුව ඇති බව පෙන්වා දෙන විදේශ අමාත්යවරයා, මෙහි බලපෑම ඇමෙරිකානු සිවිල් ජනතාවට ද සෘජුවම එල්ල වනු ඇති බවට අනතුරු ඇඟවීය. විශේෂයෙන්ම ගැටුම් ආරම්භයේ සිට ඇමෙරිකාව තුළ බලශක්ති පිරිවැය සහ උද්ධමනය ඉහළ ගොස් ඇති ආකාරය ඔහු පෙන්වා දුන් අතර, යුද තර්ජනය පවතින තාක් කල් මෙම ආර්ථික පීඩනය අඛණ්ඩව පවතිනු ඇති බව ද සඳහන් කළේය. සාකච්ඡා මඟින් විසඳුමකට නොපැමිණීම සමස්ත ලෝක ආර්ථිකයටම තීරණාත්මක බලපෑමක් එල්ල කරනු ඇතැයි ද ඉරානය පවසයි.
